Å ratind-tot (live)

Èn årtike di Wikipedia.

Po des linwincieusès racsegnes sol mot "ratind-tot", alez s' vey sol Wiccionaire

Å ratind-tot (Â ratind tot"), c' est on live e walon ene miete sipeciål. Il est fwait di ptits tecses da Joël Thiry metous djondant des portraits a l’ fene intche da Maggy Destrée di 40 rilomêyès djins del Province do Lussimbork. Rilomêye paski c' est des årtisses u k' il ovrèt dins des ovraedjes sociås ou culturels.

Kékès dnêyes sol live[candjî | candjî l’ côde wiki]

Tchaeke "gros colé" on côp relî va-st aveur on role a djouwer. C' est ci role la ki va esse dessiné et "croxhî" e walon.

Li live a vudî e 2008 dins l' coleccion Paroles do teroe do Muzêye do pårlaedje e l' Årdene avou sortite e francès «le bal démasqué».

Li strimaedje s’ a fwait a Måtche-el-Fåmene, avou ene pitite fiesse et ene espôzucion di tchinisses sintimintås des 40 vudetes.

Djins ki "djouwèt" dins l' live[candjî | candjî l’ côde wiki]

Gn a vola toirtchîs :

Corwaitaedje do live[candjî | candjî l’ côde wiki]

Li mwaisse idêye, c' est do rashonner des djins ki n' ont rén a vey avou l' walon, avou les waloneus. Po fé rexhe li walon di si "gueto".

Est çk’ on-z a adiercî s’ côp ? Schoûtans les impressions do mwaisse sicrijheu et adjinçneu di l’ « etrevén » :

Dji pou djusse dire k' i gn a-st avou one bele assimblêye di 150 djins et one bele animåcion foirt varieye. Et çou k' a stou interessant, c' est k' on-z a fwait rescontrer l’ walon et les scrijhaedjes et les tchansons et les cåzetes e walon a sacwants djins ki n' î estént seur nén acostumés. Dji vou djåzer di bråmint des 40 ki sont dins l’ live, et les amisses k' il avént invité, et les parints des efants di l' atenêye di Måtche k' ont tchanté on boket.[1]

L' idêye d' adjinçnaedje[candjî | candjî l’ côde wiki]

C’ est totès ptitès noveles ki volnut raconter li veye d’ ene djin. Insi, gn a 40 persounaedjes di roman.

Asteure, les 40 vraiyès djins n’ ont rén a vey avou les istweres k’ on lezî dene li role a djouwer.

Sacwants pådjes[candjî | candjî l’ côde wiki]

Role da Olivier Gourmet[candjî | candjî l’ côde wiki]

Olivier Gourmet djowe li role do galant ki vént vey si amresse tins k' l' ome n' est nén la.

Elle a rnetyî s’ måjhon
Flori l’ colidôr, les egrés et l’ sålon
Ele s’ a rmetou on pô do brun so les påpires
Et do noer so les cis
Dizeu ses ouys di noejhe
Ses noers tchiveas sont cwefés al såvadje.
Blanc ticheur et bleu djine ; elle est bele.
I pout vni, si ristchåfeu.
Si ome årè les resses.

Role da Jean-Claude Servais[candjî | candjî l’ côde wiki]

Jean-Claude Servais djowe li role d' on vî ome ki s' va reschandi å solea, cwans l' bontins rarive.

Å pretins,
Li boulvård florit di blankès tiesses
Ki shuvèt li coûsse do solo.

Corwaitaedje do walon[candjî | candjî l’ côde wiki]

beas vîs mots[candjî | candjî l’ côde wiki]

noûmots[candjî | candjî l’ côde wiki]

francijhas[candjî | candjî l’ côde wiki]

croejhete[candjî | candjî l’ côde wiki]

Sourdants & pî-notes[candjî | candjî l’ côde wiki]

  1. Joël Thiry, divins Li Rantoele l° 48, ivier 2008-2009).