Ça va bén (plake di muzike)

Èn årtike di Wikipedia.
Coviete

Ça va bén, c' est l' tite d' ene sitroete plake da Wiyam Dunker avou bråmint des tecses da André Gauditiaubois, k' a vudî e 2007. Les arindjmints ont stî fwaits pa Kevin Mulligan, ki sene eto adjinçaedje avou Phil Delire.

Gn a totes sôres di muzikeus di copete livea ki djouwnut dins l' orkesse padrî l' tchanteu.

Contnou[candjî | candjî l’ côde wiki]

Gn a la 15 bokets, 14 e walon (avou les cåzaedjes e walon et leu ratournaedje e francès.

Li 15inme boket , c' est dins troes lingaedjes, maxhîs : francès, walon et on nén cnoxhou lingaedje (li ci do tite, va, surmint, "Erein eta joan"). Et deus tchanteus ki tchantèt avou ene tchanteuse en erî-fond.

Li 14inme, c' est ene modêye di Lolote, bråmint pus londjinne ki l' djouwaedje classike.

Li 11inme boket (i ploût sol veye), c' est ene bossa nova.

Wiyam Dunker a scrît lu-minme les paroles do 4inme ("ça va ndaler") et do 13inme boket ("s' endaler").

Ene des tchansons del plake[candjî | candjî l’ côde wiki]

C' est ene bossa nova (l° 11)

I ploût sol veye
1
Les pîs frexhis et froeds...
Les solés trawés, dji voe
Padzo les noers nouwaedjes...
Li plouve so nos vizaedjes
Dins l' gris d' on djoû sins djoye...
Påwions d' esté,
C' est nos låmes d' emocion ...
Nos cours fwaiynut l' pawon.
Come el grande rowe del fôre...[1]
Ki tourbeye dins l' espwer...
Come les aweyes sins rtård...
Di l' ouxh del gåre...
2
Doirmoz bén, djins del veye...[2]
Doirmoz, pôves imbeciles...
I ploût sol veye e poenne,
Nos ndalans bén eshonne,[3]
Ns estans mierseus so l' iye
Avou l' airdiè
Muchî å fond d' nos iys...
L' amour nos fwait viker...
Come el grande rowe del fôre...
Ki tourbeye dins l' espwer...
Come les aweyes sins rtård...
Di l' ouxh del gåre...[4]

Sourdants et pî-notes[candjî | candjî l’ côde wiki]

  1. Pol rimaedje : fwêre.
  2. Pol rimaedje : vile.
  3. Pol rimaedje : echène / pwène.
  4. Cåzaedje da Gauditiaubois e 2007; On-z a leyî "vikî" pol rimaedje; Muzike da Kevin Mulligan et Dunker; tecse eplaidî so Wikipedia avou l' åjhmince do cåzaedjisse, André Gauditiaubois; l° al SABAM : 118082450.