Aclot

Èn årtike di Wikipedia.

Èn Aclot, ene Aclote, c' est l' sôbricot des djins d' Nivele. Les Aclots estént rwaitîs come des foteus d' djins. Po dire on Nivelwès di stok, on dit èn Aclot totoute, ene Aclote totoute (eneviè les cis k' ont vnou dmorer a Nivele mins ki provnèt d' ôte pårt.

L' Aclot, ça a eto stî ene gazete askepieye pa Georges Willame k' a parexhou di 1888 a 1890 et ki studyive li walon eyet l' foclore di Nivele.

Etimolodjeye[candjî | candjî l’ côde wiki]

L' etimolodjeye do mot shonne esse li bodje tîxhon Hak, fwait sol pitit no "Djihan", divnou Han et tîxhon, avou raptitixhante cawete tîxhone -ken. Hak, dabôrd, vout ddja dire Pitit Djhan; come on n' comprind nén li cawete -ken el Walonreye, on ristitcha ene deujhinme raptitixhante cawete (li cawete walone -lot). Aclot vout dire, dabôrd, Pitit Pitit Djhan. Li no d' Djihan vént di Djihan d' Nivele.

Gn a eto ene fåve etimolodjike. A Nuvele, come dins mwintès ptites veyes, les bordjoes fijhént clôre les poites del veye al vesprêye. On-z a dit k' on lzès clawéve, po k' nolu n' elzès polaxhe drovi après l' eure. Et kel ci ki clawéve boerléve tofer: " ås clås ! ås clås ! (k' on m' apoite des clås !). So plaece, ça s' prononce as claus, did la aclô, aclo.