Acrostitche

Acrostitche sicrît pa Mimile Petcheu e 2004

Ene acrostitche, c' est ene sore erîlé powinme ki les prumirès letes des vers, léjhowes do dzeu å dzo, fôrmèt li no d' ene djin k' on voet voltî, udonbén ene pitite fråze.

Cwålité literaire des acrostitches

Å pus sovint, c' est des scrijhaedjes a l' asulon, sicrîts al varade, sins les pinses ki ça serè eplaidî on djoû.

Egzimpes d' acrostitches e walon

• MAREÏE (Guillaume Apollinaire, 1899)

Mi crapåde, dji vos inme et vos l' sepez, Mareye.

Al rôze, fleur di l' esté, vos estoz, m' fleur, pareye.

Rabressez m' ! Dinez mu, Mareye, on betch d' amour !

E walon m' binamêye, e walon, dji vs e preye.

I m' fåt todi wårder divins vosse pitit cour.

Elle est si trisse, li veye: i fåt k' nost amour mourt.

• DJI L' INME (Victor Chardome, 2004).

Dins les aireurs do djoû, dji vos åreu vlou dire

- Jamwais, dji n' l' a co fwait rén k' pol pris d' on sorire,

Insi, et rén k' po-z esse ureus, simplumint tot

Leyant endaler m' bik -, vos dire come on grand sot:

"I fåt todi dmorer çou k' on-z est, divins l' veye.

Ni candjîz sortot nén; nos serans vîs abeye.

Mins avou deus båsheles come vos nd av' ådjourdu,

Etot vs leyant viker, vos seroz vî sins brut."