Afwaire Dutroux

Èn årtike di Wikipedia.
Potchî a: naiviaedje, cweri


L' afwaire Dutroux, c' est ene afwaire d' apiçaedje et d' moude di cwate pititès båsheles, dijh onze ans viyes, aprume kinoxhowes pa leus ptits nos: Djuliye (Julie) et Melissa, di Gråce-Hologne, eyet An et Eefje, deus ptitès Flamindjes.

Ça s' a passé e 1996.

Deus ôtès crapådes, Leticia et Sabene estît schapêyes a pårti des racsegnes d' èn ome di Bietris, ki scrijha l' limero del plake des apiceus.

Li rîlmoudreu, Marc Dutroux (skepyî li 6 di nôvimbe 1956), va djouwer avou les pîs des djindåres et del djustice, tot l' tins di l' instruccion å tribunå do Tchestea (1996-2003). Et minme peter å diale on côp, tot mançant les djindåres.

Gn ourit on grand mouvmint des djins, Walons et Flaminds, les blancs comitîs, po sotni les parints. Les blancs comitîs vont adjinçner on nouzome metingue a Brussele e 1997, li Blanke Måtche. Did la, les politikîs vont askepyî ene soce po rtrover les efants pierdous, "Child Focus".

Li procès[candjî]

Li procès en assijhes si passa a Årlon e 2004. Ci fourit li pus grand procès di l' istwere del djustice bedje.

Li vierdik[candjî]

Li vierdik a tcheyou e moes d' djun 2004:

Marc Dutroux a stî codåné al prijhon a perpete. Michele Martin, li feme da Dutroux, et Michel Lelièvre ont stî codånés a des grossès poennes di gayole.

Michel Nihoul a stî racwité po ciste afwaire la (li margougnaedje d' efants).

Li djuri n' a nén yeu les pinses kel Dutroux boutéve do rascodeu di ptitès glawenes po ene rantoele di calins.

Rischoyaedjes do vierdik do procès Dutroux[candjî]

Tot voeyant kel feme da Dutroux, di n' nén aveur racuzé si ome, a stît codånêye, li cpagneye d' èn ôte margougneu d' efants, Monique Olivier, a stî racuzer si ome, Michel Fourniret, e moes d' djulete 2004.

Hårdêye difoûtrinne[candjî]

Pådje di scrijhaedjes e walon so l' afwaire Dutroux (so l' Aberteke)