Agnesse di Rékiavik

Èn årtike di Wikipedia.
Potchî a: naiviaedje, cweri

Agnesse (Agnès´, Nanesse), Margrét (Mågrite) et Sigurður leu feye [1], vekesse di Rékiavik (e s' payis: Agnes M. Sigurðardóttir, biskup Íslands), c' est ene comere k' est cler e l' Eglijhe d' Izlande.

Vicaedje[candjî]

Ísafjörður.

Elle a skepyî el 19 d' octôbe 1954, e viyaedje d' Ísafjörður. Si pere, Sigurður Kristján si fi, ere curé et doyin d' Ísafjörður. Si mame, Margrét Hagalín si feye, ere mere al måjhone.

Etur 1963 et 1976, elle a-st aprins a djouwer do piyano, et s' acsegnî tote seule di djin, e-n èn an, a djouwer ås ôres.

Agnes a yeu tot fwait ses estudes di teyolodjeye foû e 1981, ey esse apriyestêye el 20 setimbe del minme anêye. Pår, e l' Eglijhe d' Izlande, elle fourit l' 3inme comere k' a stî apriyestêye dispoy ki l' monde est monde. Et bouter come riprezintante di l' Eglijhe nåcionåle po l' djonnesse. Di ces trevéns la, cénk anêyes å long, ele a bouté eshonne avou les ôtès Eglijhe do nôr et dire messe al catedråle di Rékiavik eto. Etur 1986 et 1994 mins ele esteut curêye del pårotche di Hvanneyri, e l' comeune di Borgarbyggð.

Dispoy adon, elle a stî curêye a Bolungarvík et, dispoy 1999, doyinne del doyenêye des fieurdes do Levant. Termetant, elle a stî e des soces d' eglijhe k' i gn a.

E 1997, elle a stî evoye a Upså, et bouter come assistante al université, et e 2006 ele fa des rcwerances so les efants des priyesses esse metous a djin.

Vekeye[candjî]

Li Catedråle di Rékiavik.

E novimbe 2011, li veke di Rékiavik, ki c' esteut Karl Sigurbjörn si fi, a-st anoncî k' i leyive li vekeye djus. Les 477 priyesses et teyolodjins ont voté e-n avri 2012, po tchuzî on novea veke. El 25 d' avri 2012, les votes fourént contés foû, et Agnes a stî electêye come li novele vekesse.

On l' sacrêyrè el dimegne 24 di djune 2012, el fiesse Sint Djhan.

Après k' elle a stî electêye, Agnes a fwait sawè k' ele boutrè po fé rtourner al Eglijhe les ceas et les cenes ki n' vont pus a messe, et po les LGBT esse bén acceptés.

Vicåreye[candjî]

Elle a stî marieye avou Hanness Baldur si fi, ey awè trois efants: Sigurður, Margrét, et Baldur, ey on ptit-fi, Hannes, k' est l' fi di s' båshele da leye.

Loyéns[candjî]

Si blok. Dimandaedje avou Agnes.

Pî-notes[candjî]

  1. Dj' ô bén : li feye da Magrét et Sigurður. Pol fôrmaede des nos izlandès, loukîz al pådje no izlandès