Waeyén-tins
Èn årtike di Wikipedia.
(Redjiblé di Ahan)
.jpg)
Li waeyén-tins (on dit eto : ahan, erî-såjhon, Sint-Rmey, otone) [1], c' est l' troejhinme såjhon d' l' anêye, k' atake li 21 di setimbe et-z esse houte li 20 di decimbe (e l' Dimeye-Bole Bijhrece, ådzeu do Tropike del Crantche).
Les moes ki sont sol waeyén-tins, c' est l' fén do moes d' setimbe, la k' esté est houte, li moes d' octôbe, di nôvimbe, et les deus prumîs tîces do moes d' decimbe, la k' l' ivier kimince.
Ådvins |
L' atuze do waeyén-tins dins l' tuzance walone [candjî]
Nén pus kel bontins, li waeyén-tins n' esteut rsintou come ene såjhon a pårt, did la, li cåkêye di nos, inte di zels on calcaedje do francès (otone).
L' atuze do waeyén-tins come såjhon a shuvou li scolaedje obligatwere e francès, la k' prumires sacwès a-z aprinde esteut l' no des cwate såjhons.
Sacwants grands moumints do waeyén-tins [candjî]
el nateure [candjî]
- li disfouyåjhe des åbes.
- li boerlaedje des ciers
- les tchesses
- l' eralaedje des voyaedjants oujheas
dins les cinses [candjî]
- li soyaedje des waeyéns
- li råyinne ås crompires et ås betråles
- payaedje des trecins et des ôtes louwaedjes (al Sint-Rmey)
dins l' societé [candjî]
- les fiesses del Walonreye
- les batemes di studiants
- les scoles (ki l' rintrêye est al fén di l' esté)
dins li rlidjon crustinne [candjî]
- li fiesse di Tossint
- li djoû des åmes
Hårdêye difoûtrinne [candjî]
- Pådje sol waeyén-tins (so l' Aberteke)
