Alphonse Maréchal
Alphonse Maréchal (e walon Fonse Marixhå), c' est on rcwereu sol walon. C' est lu l' prumî k' a croylé li pårtixhaedje del Beldjike romande et mostrer les limodjes do walon, eneviè li gåmès eyet li picård. C' esteut e 1926.
Ådvins do walon, i vout ricnoxhe troes grandès trokes d' accints, li lidjwès, li namurwès eyet li tchålerwetî. [1]
Li pårtixhaedje da Fonse Marixhå po dismarker l' walon des ôtes pitits lingaedjes a stî acertiné pa on linwincieus inglès, E.B. Atwood. Mins, ådvins do walon, ci-cial ni ricnoxhe ki deus grandès taetches di pårlers omodjinnes : li lidjwès eyet li namurwès (mins l' namurwès da Atwood ni si spåde nén sol province do Lussimbork, come sol pårtixhaedje da Maréchal). Inte li walon eyet les ôtes lingaedjes d' oyi, gn a des lådjès contrêyes wice ki l' cåzaedje candje pitchote a midjote.[2]
Divant çoula, li Fonse Marixhå aveut ddja bouté sol djeyografeye linwistike di l' arondixhmint d' Nameur. [3] [4]
Sourdants[candjî | candjî l’ côde wiki]
- ↑ divins : La Wallonie et ses divisions linguistiques, Enquêtes du Musée de la Vie Wallonne, 9-10, 1926, pp. 273-283.
- ↑ divins : The phonological divisions of Belgo-Romance, Orbis 4, 1955, pp. 367-389.
- ↑ divins : Carte dialectale de l'arrondissement de Namur, indiquant les limites des principales variations flexionnelles des patois locaux, BSLLW, 40, 1900, pp. 65-94 (avou 2 mapes).
- ↑ Les troes rahoucas cial ådzeu sont esplikés dins l' live Dialectologie en Wallonie, da M. Francard, Jean Germain, Luc Usaac eyet Jean-Marie Pierret, 1981, ISBN 2-87077-057-X, p. 52-54.