Armand Deltenre
Armand Deltenre a skepyî li 10 di måss 1924 ey a morou li prumî d' avri 2005. C' esteut on bouteu pol walon, mins k' a bråmint scrît e francès (sol walon).
Il esteut a l' SLLW.
Il est rprins dins l' antolodjeye Fleurs diyalectåles, et dins l' Antolodjeye Scrire.
Il a eto scrît e francès so les oteurs en occitan.
Vicåreye[candjî | candjî l’ côde wiki]
Il aveut stî onk des mimbes askepieus do Rassemblement Wallon e 1968, avou l' idêye padrî s' tiesse d' î fé bouter po l' avançmint do lingaedje walon. Il a eto askepyî les rvuwes "La pensée wallonne", la k' on djåzéve bråmint do walon… e francès). E 2002, i leye ouve avou cisse rivuwe la, po ndè vudî ene novele : "EVLA".
Il a scrît bråmint pol teyåte, padecô avou Jean Louvet u tot ratournant ses pîces.
Armand Deltenre a stî foirt sibaré pal guere di 1940-1945, la k' il a veyou les Almands vni ramasser s' pa et les touwreyes di Courcele (Rognac). Dins ses scrijhaedjes, on rtrouve sovint li hisse ki ces macsådaedjes la n' ricmincénxhe.
Armand Deltenre a ossu eplaidî li motî d' Courcele et d' Sovret da Omer Bastin.
Sacwantès pîces da Armand Deltenre[candjî | candjî l’ côde wiki]
- "On dit k' les omes sont frés" (1959)
- "El dierinne eure" (1966)
- "Niût d' angoxhe" (1984)
- "Monsieu Jean Bulot" (1996)
- "Èn ome al laxhe" (1999) avou J. Louvet.
- "Derik" : redjårbaedje di l'Arlésienne d' Alphonse Daudet (1980)