Betchteu waibe
On betchteu d' waibes u, pus coûtmint, on betchteu waibe, c' est on programe ki dene l' ådjeu a voste éndjole d' aler loukîz totes les waibes k' i gn a sol Daegntoele.
bleu = Internet Explorer vete = Google Chrome orandje = Firefox rodje = Opera
Aler betchter so totes les waibes avou ç' programe la si dit "cibernaivyî" (kécfeye di cåze di l' essegne di "Netscape", on vierna u "ciberrôbaler". Li ci ki passe si tins a ça si lome on (ene) "cibernaivieu(se)" u "ciberrôbaleu(se)".
Lisse dès principås betchteus
[candjî | candjî l’ côde wiki]Prôpietaire licince
[candjî | candjî l’ côde wiki]- Apple : Safari
- Microsoft
- Internet Explorer (nén rapontyî dispoy èl enondaedje d' Edge)
- Edge (dispoy èl enondaedje do Windows 10)
- Opera Software : Opera
- Vivaldi Technologies : Vivaldi
- Yandex Browser : Yandex
"Mozilla Public" licince
[candjî | candjî l’ côde wiki]- Brendan Eich : Brave
- Mozilla Foundation :
- Mozilla Firefox
- SeaMonkey
- The Tor Project Incorporation : Tor Browser
Istwere des betchteus d' waibes
[candjî | candjî l’ côde wiki]Onk des prumîs betchteus d' waibes, ci fourit "Netscape Navigator", k' a basti ene societé comerciåle foirt florixhante (diviè 1995). Si essegne, c' esteut on vierna d' batea.
Après, gn ourit l' "betchteu då Bill" ("Internet Explorer"), ki vna ototmaricmint aclapé å sistinme d' operance "Windows 2000" da Microsoft.
Diviè 2005, li societé "Netscape" a stî ratchtêye, et ses vîs programes ridiswalpés come libes programes. Li betchteu si lome "Mozilla Firefox".
Ratournaedje e walon des betchteus
[candjî | candjî l’ côde wiki]
Li prumire modêye do betchteu "Netscape" a-z aveur sitî ratournêye e walon, ci fourit li 4.08.
C' est Pablo Sarahaga k' a bråmint bouté so les rashiaedjes e walon des betchteus waibes. E 2007, i ratourna cåzu tot l' betchteu Mozilla.
Li betchteu waibe Konqueror (dizo l' evironmint d' sicribanne KDE divins Linux) a stî ratourné ås troes cwårts e 2007 et 2008 pa Djan Cayron sol båze di l' ovraedje dedja fwait pa Pablo Sarachaga eyet Lorint Hendschel.