Bicoine

Èn årtike di Wikipedia.
Potchî a: naiviaedje, cweri
Adjinçna del bicoine, ki mostere bén ses deus stipes di fleur, ki brikèt come deus coines

Li bicoine [1] (on dit eto : li cuzene [2] u l' olivî d' troufreye [3]), c' est ene plante des fagnes et des troufires, avou ene pitite fene crawieuse tidje, come ene rampe, ki crexhe dizeu les mosseas d’ fagne, ki dene des ptitès frambåjhes k' on lome poes d’ fagne, poes d’ cok, poes d’ bourboe, poes d’ mossea, peme di fagne, gurzale di fagne, gurzea d’ fagne [4] u olivete.

On voet bén l' plante e moes d’ may et djun, la k' elle est floreye.

E moes d’ awousse, pol ritrover, i fåt greter dins les mosseas d’ fagne. On-z î pout adon code li gurzale di fagne, k' est tapinêye blanc et rôze. [5]

C' est on poes bråmint pus ptit k' ene caclindje. I fåt do tins po nd aveur ene djatlêye. Mins ça s' magne ttossu bén k' les ôtes frambåjhes. C' est po ça k' elle est ahivêye dins les grands frexhs tchamps, livlés esprès, e l' Amerike bijhrece.

No e sincieus latén :

  • asteure : Vaccinium oxycoccos
  • davance : Oxycoccus quadripetalus, Oxycoccus palustris

Alez s' vey e splitchant motî po des linwincieusès racsegnes so les mots "bicoine", "poes d' fagne", poes d' bourboe et "peme di fagne".

Dispårdaedje[candjî]

Li mape di troes sôres di bicoines

Cisse plante la ni s' trove ki dins les froeds et timperés payis del Dimeye Bole bijhrece.

Eployaedje[candjî]

On ndè pout fé del confiteure.

Elle est rprinjhe come yebe ås maladeyes dins l' live da Boxus so les plantes come "rafroedixhante" et boune po lo scorbute.

Sourdants et pî-notes[candjî]

  1. "picoine" (Gaston Lucy, Œuvres complètes, p. 393).
  2. Live da Boxus so les plantes l° 208.
  3. Ene båke so les bwès d’ l’ Årdene) p. 185.
  4. Franwal da Haust a « canneberge ».
  5. Temonaedje da Louwis Baidjot ki cnoxhe li plante des fagnes del Croes Schaye.
Commons
I gn a so les cmons Wikipedia des imådjes ou fitchîs son a vey avou Bicoine .