Bistocaedje

On bistocaedje (on dit eto : buskintaedje), c' est ene dujhance la k' on fiestixh ene djin k' a ses ans, ene k' a fwait ene sacwè d' clapant : rascode on pris, monter e gråde. evnd. On bistoke eto al novelan.

E walon, gn a ene tournurete po bistoker ene sakî :

Dji vos bistoke

Dji vos rastoke

Tinoz vos bén

Vos n' tchairoz nén

On radjoute cobén :

Si vos l' ramouyîz bén

Vos nd åroz co l' anêye ki vént

Dins on bistocaedje, gn a sovint on spitch d' on bistokeu et l' response do bistoké. Adonpwis, dins les payis crustins on boet on vere di gote, di vén, di tchampagne, di cide. Gn eto sovint des gåte-li-fwin a rawyî.

Dins les payis muzulmans, on boet des limonådes et do té et magnî des ptitès biscûtes.