Bive

Pol discramiaedje des årtikes avou l' mot "Bive", loukîz cial

Bive (fr: Bièvre) est ene rebanêye comene di Walonreye el province di Nameur

eplaeçmint del comene el province di Nameur

• Dimorants: 3.103 (2004), Bivîs
• Sitindêye: 109,59 km²
• Dinsité: 28,31 djins/km²
• Arondixhmint: Dinant
• Canton: Djedene
• Ban d' Bive:
  • Bive
  • Graide
  • Moncea-e-l'-Årdene
    • Belfontinne
    • Pitit-Fayi
  • Nayômé
  • Wajî
    • Bayamont
    • Coirnîmont
    • Grå-Fayi

Comene di l' Årdene namurwesse, dins l' canton d' Djedene, li ké roye France et les cantons d' Biarin, Welin, Palijhoû et Bouyon. Bive fwait eto pårteye des "comenes d' Urope".

Li no d' "Bive": Beveris (770), Bievere (1243) vént do gålwès "Beber", k' on dit "Bièvre" e francès et k' est l' vî no do castor.

Djeyografeye

Li comene si stind so a pô près 11.000 ectåres et lodje come 3.000 djins.

Bive est sol cresse ki poite les aiwes ki vont a Lesse, a bijhe, et les aiwes ki vont a Smwès, å midi.

Istwere

Loukîz a : Bive (viyaedje)#Istwere

Economeye

Astalaedje d' on zonigne d' olyinnes (kimincî al Tossint 2009, tot fwait e 2010)

Å cminçmint, on les vleut mete Moncea et a Bayamont. Mins les djins n’ è vlént pont, paski c' esteut trop près des måjhons, ki ça dénreut on djinnant brut, ki l' payizaedje sereut disbrôlé.

On s’ a don rabatou sol Pont Mack (inte Bive et Djedene). La, å moens, on n’ disrindjive nolu. On-z aveut ene voye tote fwaite, k’ on boun edaglaedje aléve rinde capåbe du sopoirter les grossès tchedjes tot l' tins d' l' instalaedje.

Li waibe do Pont Mack, c' esteut on bea platrê, d’ èn aboird åjhey, ki pleut ascode les 7 olyinnes do pordjet. Ene coine du tchamps foirt sitindowe, purade a plat, bén erî do viyaedje, dirî l’ lene di trén, et do costé d’ bijhe. Come çouci, cwand l’ solea lût a nonne, les ombrires si tapèt putoit do costé des bwès. 

Tuzance

Aisse del Tuzance avou on pårteye des activités pol walon (copinreye, cåbaret walon). Il ascoye li soce des rcåzeus di l' Årdene nonnrece dispu eviè 2002.

Difoûtrinne hårdêye

• Waibe del comene
• Rapoirtaedje so les olyinnes (esplikêyes da Louis Baijot, so Youtube).