Blåw toubak

Èn årtike di Wikipedia.
Potchî a: naiviaedje, cweri
blåwès foyes, fleurs et fruts

Li blåw toubak, c' est ene plante ki crexhe come on ptit åbe, disk' a sacwants metes hôt, mins so on seu stok, nén a môde di bouxhon.

No d' l' indje e sincieus latén : Nicotiana glauca

Famile : Crompiracêyes

Discrijhaedje[candjî]

Ele dene des belès djaenes fleurs, come on longou doet d' want.

Les foyes sont blåwes so li dzo (did la, si no).

Vicaedje[candjî]

C' est ene plante foirt voltrûle. Elle est ene des prumirès plantes ki djete cwand on-z a rtourné des teres (po ene novele voye, on bastimint, evnd.). Ele vént inte les pires, so les hourleas, evnd. Eto, elle a stî eployeye come hayon po-z espaitchî l' evayixhmint på såvlon.

Spårdaedje[candjî]

Ele vént di tos costés, la k' i fwait ene miete tchôd : Amerike nonnrece, Awayî, payis del Mîtrinne Mer.

Epweznaedje des biesses[candjî]

Les biesses ki waidièt dins les campagnes avou l' plante dispu todi ni l' aduzèt nén.

Si ene åmaye u ene vatche k' a todi dmoré e ståve si dislaxhe, et arive dilé l' plante, elle endè pout magnî. Ele va crever assez raddimint après (kékès eures a sacwants djoûs).

Commons
I gn a so les cmons Wikipedia des imådjes ou fitchîs son a vey avou l' blåw toubak .