Bleu tchampion

Èn årtike di Wikipedia.
Potchî a: naiviaedje, cweri

Li bleu tchampion, c' est on bea pitit magnåve tchampion des bwès.

Bleu tchampion
Bleus tchampions (Foto:  Jean-Pol Grandmont
Bleus tchampions (Foto: Jean-Pol Grandmont
Classifiaedje syintifike
Ringne: Fungi (tchampions)
Ecoxhmint: Basidiomycota
Classe: Homobasidiomycetes
Dizo-classe: Agaricromycetideae
Ôre: Tricholomatales
Famile: Tricholomatacea
Djinre: Laccaria
Espece: amethystina

Li bleu tchampion est diferin do bleu pî (Lepista nuda).

Discrijhaedje[candjî]

On djonne tchampion, beazè bleu

C' est on tchampion avou on ptit tchapea bleu viyolé vif, 7 cm lådje, k' a on pitit refonçmint ene miete pus clair å mitan.

Pa padzo, il a des lådjès lames, bén espacêyes.

Si grand rond pî est foirt coriant.

Li dzeu do tchapea divént djaene brun tot setchixhant, mins les lames dimorèt bén violêyes.

Il a ene mince tchå di viyolêye coleur ki node bon et ki gostêye doûs.

I vént al tere dins les surès teres, so les troufires ou les mosseas des sapéns, di l' esté et di l' erî-såjhon.

Eployaedje[candjî]

C' est on magnåve tchampion avou on bon gosse.

Mins on-z a trové k' i ritneut foirt li radioactivité. Eto, on conseye di nel magnî k' on côp u deus so l' anêye. On n' magne nén s' pî ki n' passe nén åjheymint l' estoumak (deur a didjerer).

Bibiografeye[candjî]

Tites des lives e francès k' i gn a mo des racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips: Les champignons (Solar, 1981) - ISBN 2-263-00640-0
  • Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
  • Peter Jordan, Steven Wheeler: Larousse saveurs - Les champignons (Larousse, 1996) - ISBN 2-03-516003-0
  • G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
  • Henri Romagnesi: Petit atlas des champignons (Bordas, 1970) - ISBN 2-04-007940-8
Commons
I gn a so les cmons Wikipedia des imådjes ou fitchîs son a vey avou Bleu tchampion .