Bolet d' esté

Èn årtike di Wikipedia.
Potchî a: naiviaedje, cweri

Li bolet d' esté est on clapant magnåve tchampion k' on rescontere cwand il a fwait foirt tchôd et pu ene miete crou, dins les clairs bwès a foyes (copurade addé les ptitès trokes d' åbes ki leyèt passer l' loumire do solea et s' tcholeur).


Bolet d' esté
Boletus aestivalis (Foto: Jean-Pol Grandmont).
Boletus aestivalis (Foto: Jean-Pol Grandmont).
Classifiaedje syintifike
Ringne: Fungi (tchampions)
Ecoxhmint: Basidiomycota
Classe: Homobasidiomycetes
Dizo-classe: Gasteromycetideae
Ôre: Boletales
Famile: Boletaceae
Djinre: Boletus
Espece: aestivalis


Discrijhaedje[candjî]

Tchampion k' a on tchapea bombé et velouté (7 a 20 cm), bén e tchå, di coleur paye a brun-fåve, åyant sovint cwand i fwait setch des pårticulirès cwådriyeyès crevådes, avou des blancs tubes ki verdixhèt e divnant pus vî et des ronds pôres del minme coleur, on vintrou pî (6-20 x 2-5 cm) di coleur brun-clair poirtant on seré blanc mayaedje (reticulaedje). Li tchå di coleur blanke est spesse et dmeure bén deure mins djaeni e divnant pus viye. Il a ene plaijhante odeur et ene saveur sovint ene miete soucrêye. Målureuzmint po les micofadjes, s' i n' est nén codou tot djonne, Il est sovint ataké a pårti do pî djusk' a l' miercopete do tchapea pa les molons.

I vént al tere dins tos les clairs bwès a foyes (en associåcion avou les hesses, les tchinnes, les castagnîs et les tchårnales), di l' esté a l' fén d' l' årire-såjhon.

Eployaedje[candjî]

C' est on tchampion di prumire cwålité minme si s' tchå est ene miete pus mole ki les ôtes bolets.

Bibliografeye[candjî]

Tites des lives e francès k' i gn a avou pus di racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips: Les champignons (Solar, 1981) - ISBN 2-263-00640-0
  • Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
  • Peter Jordan, Steven Wheeler: Larousse saveurs - Les champignons (Larousse, 1996) - ISBN 2-03-516003-0
  • G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
  • Henri Romagnesi: Petit atlas des champignons (Bordas, 1970) - ISBN 2-04-007940-8