Tchanson Decroyî

Èn årtike di Wikipedia.
mwaisse copeye

Li tchanson Decroyî, ki l' incipite, c' est "Bon dieüe qu ce gran pone d'aimé se bacelle" (Bon Diu, ki c' est grand poenne d' inmer ces båsheles), c' est ene viye tchanson e walon (k' on n' kinoxhe pus l' air).

Ele date d' eviè 1600.

Elle est rprinjhe sol limero 284 dins l' clasmint Piron des vîs scrîts e walon dizo l' tite "Contre les femmes". C' est l' l° 1 del ramexhnêye Haust des vîs tecses so les comeres et l' mariaedje.

Incipite[candjî | candjî l’ côde wiki]

Bon Dieüe qu ce gran pone d’aimé se bacelle

Divnance[candjî | candjî l’ côde wiki]

Elle a stî rcopieye pa on duk di Chimai, Tchåle III di Croyî, k' a morou e 1612. On rtrova l' papîscrît dins s' bibioteke.

Li tecse a stî rwaitî on moumint come li pus vî cåzaedje d' ene tchanson e walon.[1]

Gustave Charlier l' a rtrové dins l' bibioteke cominåle di Valinchinne, papiyård l° 430 (tchansons k' ont apårtinou a Tchåle di Croyî) e 1925.

Eplaidaedje[candjî | candjî l’ côde wiki]

Elle a stî rortografieye pa Jean Haust ey eplaideye, avou ene imådje del mwaisse copeye dins l' live «Vîs arimés so les comeres et l' mariaedje» (1941).

Elle a stî rmetowe e rfondou so l' Aberteke diviè 2001, et passer adon dins l' Rantoele-gazete.

Hårdêye difoûtrinne[candjî | candjî l’ côde wiki]

Sourdants & pî-notes[candjî | candjî l’ côde wiki]

  1. Gustave Charlier, La plus ancienne chanson wallonne, livret di l' Académie Royale Langue Littérature françaises, sins date.