Bon vénrdi

Èn årtike di Wikipedia.
Potchî a: naiviaedje, cweri

Li bon vénrdi (on dit eto peneus vénrdi u djoû bon dvénr u djoû bons dveres u vénrdi d' Påke u vénrdi sint), c' est li vénrdi di dvant Påke.

Po les crustins, i rmimbere li passion eyet l' moirt da Djezus-Cri sol croes. Ci djoû la, les clotches ni sounnut pus ås eglijhes. Dinltins, c' esteut des åcoletes k' alént tourner les viyaedjes avou on tarata po houkî les djins ås ofices, aprume li tchmin d' croes.

Li peneus vénrdi, on rprezinte voltî on djowe del passion.

Alez s' vey e splitchant motî po des linwincieusès racsegnes so les mots "vénrdi", "divénr" et "peneus".

Doûcès croeyances a vey avou l' bon vénrdi[candjî]

  • Å djoû bons dveres, i djale et radjale, mins rén n' edjale : on croeyeut k' les semaedjes do djoû bon dvénr reyussixhént a tot côp bon, a cåze di l' omonimeye, e plaeces, di "dvénr" (vénrdi) eyet "dvere". C' est kécfeye li veur, paski c' est ddja cåzu l' bontins, et ki l' djalêye n' a nén l' tins d' avinde li cour des dveres.
  • Li djalêye do vinrdi sint ni fwait pont d' toirt ås fleurs : minme idêye, dandjreus paski l' tins si restchåfe, et kel djalêye n' arive nén å cour des plantes.
  • Å bon vénrdi, li cene ki cût est beneye; li cene ki bowe est mådeye.
  • Li ci u l' cene k' a vnou å monde li djoû do bon vénrdi a todi del tchance.

Hårdêye divintrinne[candjî]