Walonreye di France
Èn årtike di Wikipedia.
Li Walonreye di France (on dit eto: Bote di Djivet), c' est djeyograficmint, on trô dins l' mape del Walonreye, a Nonne, ki shût Mouze, et ki state a Djivet. Administrativmint, il est dins l' Depårtumint des Årdenes.
Disk' å 20inme sieke, tos les djins des viyaedjes et eto des veyes di cisse coine la djåzént walon.
Li Walonreye di France fwait pårteye del Walonreye walon-cåzante, mins nén del Redjon walone.
Ådvins |
[candjî] Linwince
[candjî] Studiaedje des pårlers
Les pårlers del Walonreye di France ont stî bén studyîs pa Charles Bruneau. On pout eto rtrover mo des racsegnes linwistikes dins l' motî da A. Vauchelet.
Les nos d' plaeces des 12 viyaedjes walons ont stî studyîs pa Albert Doppagne. [1]
[candjî] Vicansté
Asteure, gn a ene radio coinrece k' evoye a pårti d' Arniye, et ki passe ene emission e walon. C' est Radio-Fungis.
Li rvowe "Ardenne wallonne", edjîstrêye a Djivet, eplaide des bokets e walon dins cåzu tos ses limeros.
Li mayeur di Fromlene sohaita l' boune anêye a ses djins e walon dins on ptit foyou cominå di 2000 a 2003.
[candjî] Sicrijheus e walon
[candjî] Istwere
Divant 1679, li Bote di Djivet fijheut pårteye del conteye di Nameur. El Moyinådje, li Conte di Nameur aveut l' håteu dissu tote l' aiwe di Mouze dispoy "li tchinne di Rvin djusk' a Andene".
Elle a stî hapêye ås Bas Payis espagnols pås Francès tins des gueres France-Espagne do 17inme sieke, et dnêye oficirmint al Påye di Nîmegue (1679).
[candjî] Viyaedjes del Walonreye di France
- Arniye (pont ALW)
- Djivet
- Fepén
- Fromlene
- Fumwè
- Han-so-Mouze
- Idje
- Landritchamp
- Rancene
- Rivin
- Tchô (pont ALW)
- Vireu-Molén
- Vireu-Walran
[candjî] Hårdêye difoûtrinne
[candjî] Sourdants
- ↑ A. Doppagne Enquête dialectale sur la toponymie des villages wallons de France, Les dialectes belgo-romans, n° 7.
