Cambron-Castiô
Cambron-Castiau u Cambron-Castiô (walon Cambron-Tchestea, F. Cambron-Casteau), c' est èn ancyin ptit ban del Walonreye, rebané avou Brudjlete.
- Limeros del posse : 7941 (nén candjî)
- Limero diyalectolodjike : Mo 3.
- Arondixhmint : Ate (dispu 1977; divant, c' esteut arondixhmint d' Mont, did la li limero diyalectolodjike avou "Mo").
Ådvins |
[candjî] Peuplåcion
Discrexhaedje del djin
- 1801: 730 (483 å Tchestea, 247 a l' Abeye)
- 1846: 731
- 1910: 473
- 1961: 363
- 1976: 416
[candjî] Djeyografeye
Li viyaedje est metou so Tinre, a ene plaece k' ele toûne bråmint, did la si no "Cambron", do bodje gayel cambaro (ki toûne).
[candjî] Istwere
Les troes viyaedjes metous so Tinre: Cambron-Castiô, Cambron-Sint-Vinçant et Cambron-l'-Abeye (Cambron-Mairie), ci n' esteut fok on viyaedje å cmince, ki c' esteut des béns-fonds di l' abeye Sint-Dnis dilé Paris (751), k' elzès rvinda å tchapite di Sougniye e 1053.
Li deujhinme viyaedje, c' esteut l' abeye cistercyinne, askepieye pa sint Biernåd e 1148. I fourit anixhilé på decret imperiå do 8 fructidor di l' an XIII (26 d' awousse 1805).
Li tchestea d' Gaviamé, distrût e 17inme sieke, est dandjreus li cåze do lomaedje "Cambron-tchestea".
[candjî] Economeye
Grande plinne di bounès teres, des deus costés d' Tinre. Grandès cinses: li Wespelire (60 ectåres), li cinse di l' Abeye (55 ectåres).
