Cawete -iveus

Li cawete -iveus, c' est ene cawete tipike do walon ki sieve a foirdjî des addjectifs.

L’ addjectif pout divni sustantif :

il est mo grandiveus => c’ est on grandiveus veråt => Waite ci grandiveus la.

Bodje

addjectif

Li bodje pout esse èn addjectif

grand => grandiveus

viebe

Des côps, i s’ acawe a on viebe :

toursi => toursiveus

bodje tîxhon «betteln» (briber) => bediveus

sustantif

santé => santiveus

syince => syinciveus

Sinse

Li cawete -iveus dene ene idêye di rafoircixhaedje, mins sovint veyou d’ on mwais costé.

Insi on grandiveus si vout fé pus grand k' i n' est. I rwaite les djins did hôt.

Li grandiveus s' infele, si kihene; C' est lu k' est tot. Et l' tchén Da Mårtén N' est pus rén (Nicolas Defrecheux).

Mins rålmint, on trouve on sinse pôzitif, come divins «santiveus» : k’ a ene boune santé.

Les djins do Cocåze ki boevnut do kefir dimornut santiveus disk’ a 100 ans.

Parintêye

Les addjectifs avou l’ cawete -iveus polèt sovint fé des parints avou les cawete -iveusté et -iveuzmint.

• grandiveusté: difåt d' ene grandiveuse djin.
  • Douvént k' les peupes s’ ont-st enondé, et les trokeas d’ djins ont tuzé des grandiveustés ? (såme, ratourné pa Georges Sfasie).
• grandiveuzmint: d' ene grandiveuse manire. 
  • Li rwè Salomon, grandiveuzmint, dijha-st al hourete : kimint savoz k’ in gn a dipus d’ djoûs ki d’ nutes ? (Lucien Mahin, Eviè Nonne)

Ôtes vîs mots avou l’ cawete -iveus

• bediveus
• tinciveus
• plantiveus
• toursiveus

Noûmots avou l’ cawete -iveus

Li cawete -iveus a siervou ossu a fé des noûmots :

wårdiveus: k' a todi l' idêye di fé come on-z a todi fwait.

Li "Nosse Pere k' est la-hôt" a stî tchanté e latén po rdivni li "Pater Noster", come do tins do vî Bon Diè, surmint po continter sacwants crustins wårdiveus, alez, dandjreus (Lucien Mahin)

avanciveus: ki vout candjî les viyès matenes.

islamiveus:

Les islamiveus sont foirt sititchîs dins l' texhou sociå des ptitès djins.

puriveus,

Alére

Jean Lechanteur, L'extension du suffixe -iveûs en wallon, Dialectes de Wallonie, 14 (1986), p. 57-67.