Cawete -ea
Èn årtike di Wikipedia.
Li cawete -ea, c' est ene raptitixhante cawete, ki provént del cawete latene -ellum.
Cåzu tos les mots avou l' betchfessî ea, c' est des cis avou l' cawete -ea.
Ele provént del cawete latene -ellum, k' a divnou dins l' vî lingaedje d' oyi : -eal. C' est come ça k' elle a passé avou l' normand e l' inglès d' ouy
- veal meat = del tchå di vea
E walon, elle s' a scrît -ea, ki les Lidjwès prononcît "-ê" (et cåzu "-in" e sacwantès plaeces) et les Namurwès "-ia".
E picård, elle a divnou "-iô", sovint scrît "-iau", kécfeye "-ieau".
E francès, elle s' a scrît "-eau", mins s' a prononcî "-ô".
Li cawete -ea, c' est ene cawete d' omrins nos; li femrin (cwand end a), c' est tipicmint avou -ale. Mins, so l' assaetchance do francès, po sacwants mots (novele, båshele, bele, payele), c' est l' cogne -ele k' a passé e rfondou.
[candjî] Raparintaedje fwait so les mots avou l' cawete -ea
Li L etimolodjike rispite, la k' les derivés si fjhèt sol cogne femrinne (vraiye ou forveyowe).
- Viebes e -ler : veler, peler, rusteler, ebeli
- cawete -lete (-ea + -ete) :
- cawete -lî (-ea + -î) : rustea => ruslî
Foû-rîles :
- wårdance do betchfessî EA : rabeazi, nawearin
- wårdance del voyale "A" : macralreye
[candjî] Dobès cawetes avou l' cawete -ea å coron
Gn a eto des dobès cawetes avou l' cawete -ea å coron :
- cawete -et + cawete -ea => dobe cawete -tea (Wikt:hamtea)
