Cawete -iket

Li cawete -iket, c' est ene raptitixhante cawete k' i s' mete après des nos.

Ele provént d' ene cawete flamindje, li cawete -eke, avou ridoblaedje del cawete walone-et.

Sacwants mots walons avou l' cawete -iket egzistèt eto e francès d' Walonreye (potiket), et minme e francès standård (tourniket).

E sacwantès coines del Walonreye, li cawete -iket mostere pa des côps èn adoucixhmint d' cossoune : -iket divént -iguet (houptiket = houpdiguet)

Li cawete -iket si rtrouve eto dins des rwalonijhîs calcaedjes do flamind, come maniket.

Sacwants mots avou l' cawete -iket

• potiket
• houptiket
• tourniket
• sobriket
• bouriket

Raparintaedje

Li cawete -iket pout fé leye-minme des parints

• vîs mots : disbouriker
• noûmots : tourniketreye

Hårdêye difoûtrinne

Sacwants sustantifs avou l' cawete -iket (dedja studyîs sol Wiccionaire)