Claudine Mahy

Poirtrait d' Claudine Mahy, e 2002

Claudine Mahy a skepyî diviè 1943. C' esteut ene tchanteuse e walon, ki fjheut totes ses tchansons leye-minme. Ses tinmes estént kécfeye classikes : c' esteut des tchansons po rire come "dj' e fwin" u des sovnances do vî tins come "li kénket d' houyeu". Ele a eto rindou bon dvwer a s' payis d' Tchålerwè et d' Djumet.

Sitroete plake avou l' tchanson "Mémé Loubård"

Afitche d' onk di ses concerts

Mins ele sava eto paskeyî so des sudjets modienes : li sida; les djonnes "loubårds", l' evoyaedje des "Casques bleus" el Yougoslaveye. Elle ratournéve leye-minme ses tchansons e francès, et tchantéve dins les deus lingaedjes

Costé muzike, ele fourit ene des prumire a-z asprouver l' walon dins del musike blouze.

Elle fijheut des stroetès plakes avou des tchansons e francès ey e walon.

Ele djåzéve voltî walon avou les waloneus (çou k' est foirt råle emey les tchanteus e walon).

Di s' mestî, ele tineut botike, dins les mousmints.

Hårdêye difoûtrinne

• Si waibe (e francès)