Codjowaedje eyet motî d' 5.000 viebes e walon

Èn årtike di Wikipedia.

Conjugaison et lexique de 5000 verbes wallons

Les Codjowaedje eyet motî d' 5.000 viebes e walon, ki l' tite e francès, c' est Conjugaison et lexique de 5000 verbes wallons, c' est on live di codjowaedje des viebes walons, fwait pa Emile Gilliard. Il a vudî e 2000.

Mågré l' tite, i gn a 3627 viebes diferins. Po tchaeke di zels, on dene e francès les sinses do viebe (avou pa côps des egzimpes d' eployaedje), ça fwait ki c' est eto on ptit motî walon francès et ki l' live est rprins sol limero [C54] dins l' djivêye des motîs do walon.

Les viebes sont rindjîs dins 70 categoreyes; ces categoreyes sont eployeyes dins l' motî Gilliard (2007) po dner po tchaeke viebe si codjowaedje.

Clasmint des viebes[candjî | candjî l’ côde wiki]

Li groupaedje est fwait d' après les trokes do walon:

  • esse & aveur: 1-2
  • 1re troke (apus ki l' disrîlé "aler"): 3-16
  • 2inme troke: 17-23, 25-29
  • 3inme troke: 24
  • 4inme troke: 30
  • distrîlé viebe "aler": 32
  • 5inme troke: 31 et 33-70
  1. awè, disrîlé
  2. ièsse (esse), disrîlé
  3. bouter (A=B=C=bout-, dji boute, nos boutans, i boutnut, dj' a bouté); parey e rfondou
  4. doner (diner) (A=C=don-, B=don-/dô-, dji done, nos donans, i don'nut, dji don'rè ou dôrè, dj' a doné); e rfondou i s' codjowe come copiner (A=d(i)n-, B=din-, C=den-; dji dene, nos dnans, i dinnut, dj' a dné)
  5. disfacer (A=B=C=disfaç-; dji disface, nos disfaçans, i disfaçnut, dj' a disfacé) come «bouter» mins candjmint c <-> ç
  6. djouwer (A=djouw- B=C=djoûw-, dji djoûwe, nos djouwans, i djoûwnut, dj' a djouwé); e rfondou i gn a-st on candjmint d' voyale mins al dierinne sillabe (A=B=djouw, C=djow-; dji djowe, nos djouwans, i djouwnut, dj' a djouwé)
  7. toûrner (tourner) (A=toûrn-, B=C=toûn-, dji toûne, nos toûrnans, i toûnnut, dj' a toûrné); parey e rfondou, såf k' on n' sicreye nén l' tchapea pa dvant "r": (A=tourn-, B=C=toûn-, dji toûne, nos tournans, i toûnnut, dj' a tourné).
  8. ètèrer (eterer) (A=ètèr- B=C=ètêr-; dj' ètêre, nos ètèrans, il ètêrnut, dj' a ètèré); parey e rfondou, såf k' on n' sicreye nén l' tchapea pa dvant "r": (A=B=C=eter-; dj' etere, nos eterans, il eternut, dj' a eteré).
  9. intrer (A=intr- B=C=intêr-; dj' intêre, nos intrans, il intêrnut, dj' a intré); parey e rfondou, såf k' on n' sicreye nén l' tchapea pa dvant "r": (A=intr- B=C=inter-; dj' intere, nos intrans, il internut, dj' a intré).
  10. marier (maryî) (A=mâry-, B=C=marîy-; dji marîye, nos mârians, i marîynut, dj' a mârié); les sfwaits viebes (calkés do francés en -rier/-lier) sont del 3inme troke e rfondou (A=mary, B=C=marey; dji mareye, nos marians, i mareynut, dj' a maryî)
  11. rivièrser (rivierser) (A=r(i)vièrs- B=C=r(i)viès-; dji rvièsse, nos rvièrsans, i rvièsnut, dj' a rvièrsé); mougnaedje do "r" et candjmint s <-> ss; parey e rfondou (ås rîles d' ortografeye près): (A=r(i)viers-, B=C=r(i)vies-; dji rviesse, nos rviersans, i rviesnut, dj' a rviersé).
  12. aprèster (aprester) (A=aprèst- B=C=aprèstéy-; dj' aprèstéye, nos aprèstans, il aprèstéynut, dj' a-st aprèsté); parey e rfondou (såf k' on sicrêye -êy- li sfwait son): (A=aprest-, B=C=aprestêy-; dj' aprestêye, nos aprestans, il aprestêynut, dj' a-st apresté)
  13. chofler (shofler) (A=chofl- B=C=chofèl-); sicrît e rfondou ça dene: (A=shofl-, B=C=shofel-; dji shofele, nos shoflans, i shofelnut, dj' a shoflé)
  14. [èmeler] (hemler) (A=èmel- B=C=èmeléy-); li seule diferince avou «aprester» est ortografike (mouwea e purade ki rén do tot; si ça sreut scrît èmler ça n' freut nén on modele a pårt; sicrît e rfondou ça dene: (A=heml-, B=C=hemlêy-; dji hemlêye, nos hemlans, i hemlêynut, dj' a hemlé).
  15. chîjeler (shijhler) ces la ont on dobe codjowaedje, come «hemler» ou come «shofler» (A=chîjel- B=C=chîjèl- ou B=C=chîjeléy-); sicrît e rfondou ça dene: (A:shijhl-, B=C=shijhel- ou B=C=shijhlêy-; dji shijhele ou shijhlêye, nos shijhlans, i shijhelnut ou shijhlêynut, dj' a shijhlé).
  16. bèrcer (bercer)? (A=bèrç- B=C=bèrcéy-) come «aprester» mins candjmint c <-> ç; sicrît e rfondou ça dene: (A=berç-, B=C=bercêy-; dji bercêye, nos berçans, i bercêynut, dj' a bercé).
  17. bachî (baxhî) (A=B=C=bach-, dj' a bachî); parey e rfondou (a pus ki l' sicrijhaedje "xh"): (A=B=C=baxh-; dji baxhe, nos baxhans, i baxhnut, dj' a baxhî).
  18. picî (A=B=C=piç-, dji pice, nos piçans, i piçnut, dj' a picî) come «baxhî» mins candjmint c <-> ç
  19. sipiyî (A=s(i)piy- B=C=s(i)pîy-; dji spîye, nos spiyans, i spîynut, dj' a spiyî); e rfondou i gn a, po les pårlers levantreces, on candjmint d' voyale pol bodje C, rascovrou avou l' betchfessî ey, et di pus on n' sicreye nén l' tchapea pa dvant "y": (A=B="s(i)piy-, C=s(i)pey-; dji speye, nos spiyans, i speynut, dj' a spiyî); mins ds ôtes viebes (come abiyî) n' ont pont d' candjmint d' voyale (A=B=C=abiy-); come dins l' pårler d' Moustî ci candjmint d' voyale la n' egzistêye nén ces deus sôres sont metowes dins on minme groupe
  20. astaurdjî (astårdjî) (A=astaurdj- B=C=astaudj-); parey e rfondou (a pus k' on eploye "å"): (A=astårdj-, B=C=astådj-; dj' astådje, nos astårdjans, il astådjnut, dj' a-st astårdjî).
  21. loyî (A=loy- B=C=lôy-; dji lôye, nos loyans, i lôynut, dj' a loyî); parey e rfondou, såf k' on n' sicreye nén l' tchapea sor on "o" pa dvant "y": (A=B=C=loy-; dji loye, nos loyans, i loynut, dj' a loyî).
  22. plèyî (pleyî) (A=plèy- B=C=pléy-; dji pléye, nos plèyans, i pléynut, dj' a plèyî)
  23. batijî (batijhî) (A=batij- B=C=batîj-; dji batîje, nos batijans, i batîjnut, dj' a batijî); parey e rfondou, såf k' on n' sicreye nén l' tchapea sor on "i" pa dvant ene doûce cossoune come "j": (A=B=C=batijh-, dji batijhe, nos batijhans, i batijhnut, dj' a batijhî).
  24. bambî (bambyî) (A=bamby- B=C=bambîy-; dji bambîye, nos bambians, i bambîynut, dj' a bambî); e rfondou on eploye li betchfessî "ey", di pus po l' infinitf et l' pårticipe passé on eploye -yî (nén djusse ); c' est l' 3inme troke da Hendschel: (A=bamby- B=C=bambey-; dji bambeye, nos bambians, i bambeynut, dj' a bambyî).
  25. chwarchî (schoircî) (A=chwarch- B=C=chwarchîy-; dji chwarchîye, nos chwarchans, i chwarchîynut, dj' a chwarchî)
  26. fwarcî (foircî)? (A=fwarç-, B=C=fwarcîy-; dji fwarcîye, nos fwarçans, i fwarcîynut, dj' a fwarcî); parey ki l' modele 25, pus candjmint c <-> ç.
  27. fortchî (A=fortch-, B=C=fortchîy ou B=C=fotch-); dobe codjowaedje; sicrît avou l' betchfessî "ey" do rfondou ça dene: (A=fortch, B=C=fortchey- ou B=C=fotch; dji fotche ou fortcheye, nos fortchans, i fotchnut ou fortcheynut, dj' a fortchî).
  28. lèyî (leyî) (A=lèy- B=lê- C=lêy-); sicrît e rfonoud ça dene: (A=ley, B=lai, C=laiy-; dji lai, nos leyans, i laiynut, dj' a leyî).
  29. rèwèyî (riwoeyî) (A=rèwèy- B=C=rèwîy-; dji rèwîye, nos rèwèyans, i rèwîynut, dj' a rèwèyî); i gn a k' lu dins ç' groupe la; e rfondou li viebe est erîlé (A=B=C=riwoey-; dji rwoeye, nos rwoeyans, i rwoeynut, dj' a rwoeyî), et metou avou woeyî et sorwoeyî.
  30. prusti (A=C=prustich- B=prusti-; dji prusti, nos prustixhans, dj' a prusti) rén a dire chal, c' est li sôre di viebes li pus åjheye e walon
  31. achîr (ashir) (A=C=achîd- B=achî-); sicrît e rfondou ça dene: (A=C=ashid-, B=ashî; dj' ashî, nos ashidans, il ashidnut, dj' a-st ashid); dins l' Gilliard li pårticipe est sins mouwale cossoune al fén: achî. A noter eto k' e rfondou ci viebe ci a-st on dobe codjowaedje, avou A=ashy- (nos ashians) et on pårticipe ashiou.
  32. aler disrîlés
    1. ènn'aler (32A)
    2. ènn'èraler (32B)
    3. èraler (32C)
    4. raler (32D)
  33. bate (A=B=C=bat-; dji bat, nos batans, i batnut, dj' a batou); e rfondou cisse sôre di viebe la a-st ene oyåve cossoune å singulî prezintrece (dji bate)
  34. boûre (boure) (A=C=bol- B=boû-; dji boû, nos bolans, i bolnut, dj' a bolou); parey e rfondou
  35. brêre (braire) (A=brèy- B=brê- C=brêy-); sicrît e rfondou ça dene: (A=brey, B=brai, C=brêy; dji brai, nos breyans, i braiynut, dj' a brait); Gilliard ni mete pont d' "t" pol pårticipe (dj' a brê)
  36. bwâre (boere) (A=bèv- B=bwè- C=bèv-; dji bwè, nos bèvans, i bèvnut, dj' a bèvu)
  37. cheûre (scheure) (A=cheuy- B=cheû- C=cheûy-; dj' a cheû, nos cheuyans, i cheûynut, dj' a scheû); e rfondou ci viebe la a-st on candjmint d' voyale (piceure do levant), et on pårticipe avou -ou: A=schoy-, B=scheu-, C=scheuy-; dji scheu, nos schoyans, i scheuynut, dj' a schoyou.
  38. choûrbu (xhorbi) (A=choûrb- B=C=choûb-; dji choûbe, nos choûrbans, i choûbnut, dj' a coûrbu); e rfondou ci viebe la a-st on candjmint d' voyale (piceure do levant): A=xhorb-, B=C=xhoub-; dji xhoube, nos xhorbans, i xhoubnut, dj' a xhorbou.
  39. clôre (A=cloy-, B=clô- C=clôy-; dji clô, nos cloyans, i clôynut, dj' a clôs/cloyu); parey e rfondou, såf k' on n' sicreye nén l' tchapea sor on "o" pa dvant "y": (A=C=cloy- B=clô-; dji clô, nos cloyans, i cloynut, dj' a clôs/cloyou).
  40. conèche (conoxhe) (A=con'ch- B=coni-/conè- C=conèch-; dji conè, nos con'chans, i conèchnut, dji conirè, dj' a conu); e rfondou li prumire voyale si pout spotchî, mins nén l' deujhinme, et di pus i s' codjowe pår erîlé (come å levant): A=B=C=c(o)noxh-; dji cnoxhe, nos cnoxhans, i cnoxhnut, dji cnoxhrè, ki dj' conoxhe, dj' a cnoxhou.
  41. coude (code) (A=B=C=coud-; dji coud, nos coudans, i coudnut, dj' a coudu), c' est l' minme codjowaedje ki «bate» såf ki l' dierinne lete do bodje est on "d" et nén on "t"; tot come «bate», e rfondou li cossoune est oyåve å singulî prezintrece (et, di pus, li bodje est avou "o": dji code, nos codans... dj' a codou)
  42. couru (cori) (A=cour- B=C=coûr-; dji coûr, nos courans, i coûrnut, dji coûrrè, ki dj' coûre, dj' a couru); e rfondou li candjmint d' voyale est o/oû (mins scrît sins tchapea pa dvant "r"): A=cor-, B=C=cour-; dji cour, nos corans, i cournut, dji courrè, ki dj' coure, dj' corou
  43. rèzoûde (rezoude) (A=B=C=rèzoûd-); sicrît e rfondou ça dene: (A=B=C=rezoud-; dji rezoud (mouwale cossoune), nos rezoudans, i rezoudnut, dji rezoudrè, ki dj' rezoude, dj' a rezolou); c' est l' pårticipe erirece disrîlé ki fwait ki ç' viebe ci est a pårt.
  44. crèche (crexhe) (A=C=crèch- B=cré- ou crèch-; dji cré ou crèche, nos crèchans, i crèchnut, dji crérè ou crèchrè, ki dj' crèche, dj' a crèchu); e rfondou ces viebes sont-st erîlés (A=B=C=crexh-; dji crexhe, nos crexhans, i crexhnut, dji crexhrè, ki dj' crexhe, dj' a crexhou), come "rexhe" (59).
  45. crwêre (croere) (A=C=crwèy- B=crwè-; dji crwè, nos crwèyans, i crwèynut, dji crwèrè, ki dj' crwèye, dj' a cwrèyu)[1]; e rfondou c' est (A=crey-, B=croe-, C=croey-; dji croe, nos creyans, i croeynut, dji croere, ki dj' croeye, dj' a creyou)
  46. cûre (cure) (A=C=cûj- B=); sicrît e rfondou ça dene: (A=C=cujh-, B=cû-; dji cû, nos cujhans, i cujhnut, dji curè, ki dj' cujhe, dj' a cût); dins ç' groupe la i gn a: cure, plaire, taire, lére, raploure (=rivni), sicrire, lure,...; e rfondou «lére» (et s' famile) a-st on codjowaedje diferin, avou candjmint d' voyale pol bodje C (dji lé, ki dj' léjhe) et on dobe pårticipe erirece (dj' a lî ou dj' a léjhou)
  47. cwê (cweri) difåtiveus dins l' codjowaedje da Gilliard (seulmint a l' infinitif: cwê, ricwê); mins erîlé e rfondou: (A=cwer B=C=cwir; dji cwir, nos cwerans, i cwirnut, dji cwirrè, ki dj' cwire, dj' a cwerou)
  48. dîre (dire) (A=d(i)j- B=di- ( pa dvant "r") C=dîy-; dji di, nos dijans, i dîynut, dji dîrè, ki dj' dîye, dj' a dit); e rfondou c' est: (A=d(i)jh-, B=di-, C=dijh- (longou "i", nén spotchåve); dji di, nos djhans, i dijhnut, dji dirè, ki dj' dijhe, dj' a dit)
  49. divu (diveur) disrîlé (A=d(i)v- B=dwè/duv- C=dwèv/duv-; dji dwè, nos dvans, i duvnut, dji duvrè, ki dj' dwève ou duve ou duche, dj' a dvu); e rfondou c' est: (A=d(i)v-, B=doe/d(u)v-, C=doev-; dji doe, nos dvans, i doevnut u duvnut, dji dvrè (duvrè dj'?), ki dj' doeve ou duxhe, dj' a dvou).
  50. douviè (drovi) (A=douvy- B=C=douv-; dji douve, nos douvians, i douvnut, dji douvrè, ki dj' douve, dj' a douvièt); ci codjowaedje la est onk des deus codjowaedjes k' on trouve e walon po les viebes «drovi» et «covri», basti so on bodje "dovr-" (ou "covr-") avou ridaedje r->y; e rfondou on-z a ritnou l' ôte codjowaedje, pus erîlé (et k' est l' mwaisse codjowaedje a l' ouwess et å levant), basti sor on bodje "drov-" ("covr-"): (A=drov-, B=C=drouv-; dji drouve, nos drovans, i drouvnut, dji drouvrè, ki dj' drouve, dj' a drovou)
  51. dwârmu (doirmi) (A=dwârm- B=dwâm- (dwa pol prezintrece singulî) C=dwâm-; dji dwa, nos dwârmans, i dwâmnut, dji dwâmrè, ki dj' dwâme, dj' a dwârmu); e rfondou c' est erîlé å prezintrece singulî: (A=doirm-, B=C=doim-; dji doime, nos doirmans, i doimnut, ki dj' doime, dj' a doirmou)
  52. (A=fy- B=fê- (djusse f pa dvant "r") C=fêy-; dji , nos fians, i fêynut, dji frè, ki dj' fêye, dj' a fêt); e rfondou c' est: (A=f(i)jh-, B=fwai- (djusse f pa dvant "r"), C=fwaiy-; dji fwai, nos fjhans, i fwaiynut, dji frè, ki dj' fwaiye (ou fwaixhe), dj' a fwait)
  53. moru (mori) (A=mor- B=C=moûr-); sicrît e rfondou ça dene: (A=mor- B=C=mour-; dji mour, nos morans, i mournut, dji mourrè, ki dj' moure, dj' a morou);
  54. oyu (ôre) (A=oy-, B=ô-, C=ôy-; dj' ô, nos oyans, il ôynut, dj' a oyu); parey e rfondou, såf k' on n' sicreye nén l' tchapea sor on "o" pa dvant "y": (A=C=cloy- B=clô-; dj' ô, nos oyans, il oynut, dj' a-st oyou). Li diferince avou "clôre" (39) c' est k' "clôre" a-st on dobe pårticipe.
  55. ploûre (ploure) (A=plouv- B=ploû- C=plouv-; mins li viebe est dfåtiveus, ni s' eploye k' al 3inme djin singulî: i ploût, i plouvéve, i ploûrè, k' i plouve, il a ploû); e rfondou c' est (A=plov-, B=ploû-, C=plouv-; i ploût, i ploveut, i plourè, k' i plouve, il a ploû)
  56. polu (poleur) (A=p(o)l- B=pou- (pô- pa dvant "r") C=poul-; dji pou, nos plans, i poulnut, dji pôrè, ki dj' p'luche, dj' a p'lu); e rfondou c' est (A=p(o)l-, B=pou- (pô- pa dvant "r"), C=poy- (pol- pa dvan "n"); dji pou, nos plans, i polnut, dji pôrè, ki dj' poye, dj' a polou)
  57. ponre (A=C=pon- (po-n'-), B=pon- (nåziale); dji pond, nos ponans, i ponnut, dji ponrè, ki dj' pone, dj' a ponou; li seule diferince e rfondou c' est les cognes do prezintrece singulî (et imperatif singulî): dji pond, ti ponds, i pond, dismetant k' e rfondou c' est: dji pon, ti pons, i pond.
  58. prinde (A=purd- B=prind- C=pud-; dji prind, nos purdans, i pudnut, dji pudrè, ki dj' prinde, dj' a pris); parey e rfondou, avou eto on deujhinme codjowaedje possibe, pår erîlé (A=B=C=prind-; dji prind, nos prindans, i prindnut, dji prindrè, ki dj' prinde, dj' a pris)
  59. rèche (rexhe) (A=B=C=rèch-); sicrît e rfondou ça dene: (A=B=C=rexh-; dji rexhe, nos rexhans, i rexhnut, dji rexhrè, ki dj' rexhe, dj' a rexhou; li råjhon ki ç' viebe ci a-st ene intrêye da lu, c' est k' les ôtes viebes e-n -èche (modele crexhe (44)) ont-st on dobe codjowaedje avou ene cogne B wice kel fén do bodje (li ch) tchait. E rfondou tos les viebes e-n "-exhe" si codjowèt come "rexhe".
  60. rîre (rire) (A=riy-, B=rî-, C=rîy-; dji rî, nos riyans, i rîynut, dji rîrè, ki dj' rîye, dj' a rî); e rfondou "rire" a-st on dobe codjowaedje, onk di zels est l' minme ("îy" sicrît avou l' betchfessî "ey": A=riy, B=rî, C=rey; dji rî, nos riyans, i reynut, dji rirè, ki dj' reye, dj' a rî)
  61. ascropu (ascropi) (A=B=C=ascrop-); parey e rfondou (A=B=C=ascrop-, dj' ascrope, nos ascropans, il ascropnut, dj' ascroprè, ki dj' ascrope, dj' a-st ascropou), on viebe pår erîlé come "rexhe" (59); il a-st ene intrêye a pårt paski l' live riwaite al fén des viebes ("-e" po rexhe, "-u" po ascropu)
  62. sawè (disrîlé: dji , nos savans, i sépnut, dji sârè, ki dj' sépe ou seûche, dj' a seû); cåzu parey e rfondou, såf ki les cognes "sep-" sont metowes avou l' sinonime "sepi": (dji sai, nos savans, i savnut (mins sepi => i sepnut), dji sårè, ki dj' seuxhe (mins sepi => ki dj' sepe), dj' a seu).
  63. sièrvu (siervi) (A=sièrv-, B=siè- mins sièv- pa dvant "r", C=sièv-; dji siè, nos sièrvans, i sièvnut, dji sièvrè, ki dj' siève, dj' a sièrvu); e rfondou l' cogne B ni piede nén li cosoune å singulî prezintrece: (A=sierv-, B=C=siev-; dji sieve, nos siervans, i sievnut, dji sievrè, ki dj' sieve, dj' a siervou
  64. stwade (stoide) (A=s(i)tward-, B=C=s(i)twad-; dji stwad, nos stwardans, i stwadnut, dji stwadrè, ki dj' sitwade, dj' a stwardu); come po bråmint d' viebes del 5inme troke, li prezintrece singulî a li cossoune di fén k' est moyale, la k' ele est oyowe e rfondou (dji stwa eneviè dji stoit' e rfondou), c' est po çoula ki c' est on modele diferin chal, cåze do scrijhaedje del cawete å singulî (-d, -ds, -d), c' est l' seule difereince avou li rfondou (A=s(i)toird-, B=C=s(i)twad-; dji stoide, nos stoirdans, i stoidnut, dji stoidrè, ki dj' sitoide, dj' a stoirdou).
  65. sûre (shure) (A=sûv-, B=sû-, C=sûv-); sicrît e rfondou ça dene: (A=shuv-, B=shû-, C=shuv-; dji shû, nos shuvans, i shuvnut, dji shurè, ki dj' shuve, dj' a shuvou).
  66. tchêr (tchaire) (A=tchèy- B=tchê- C=tchêy-; dji tchê, nos tcheyans, i tchêynut, dji tchêrè, ki dj' tchêye, dj' a tcheû); li seule diferince avou "braire" (35) c' est l' infinitif sins mouwea e al fén, eyet l' pårticipe avou -eû (dj' a tcheû); e rfondou "tchaire" si codjowe totafwaitmint come "braire"
  67. tinu (tini) (A=t(i)n-, B=tén-, C=tègn-; parey k' e rfondou, al seule diferince ki pa dvant "r" li "én" cadnje a "ê", dismetant k' e rfondou ça dmeure "én": (A=t(i)n-, B=tén-, C=tegn-; dji tén, nos tnans, i tegnnut, dji ténrè (têrè dins Gilliard), ki dj' tegne, dj' a tnou).
  68. valu (valeur) (A=val-, B=vau-, C=val-); sicrît e rfondou ça dene: (A=val-, B=vå-, C=val-; dji vå, nos valans, i valnut, dji vårè, ki dj' vale, dj' a valou)
  69. vôy (vey) (A=vèy-, B=wè-, C=vôy-; dji , nos vèyans, i vôynut, dji wèrè, ki dj' vôye, dj' a vèyu); e rfondou: (A=vey-, B=voe-, C=voey-; dji voe, nos veyans, i voeynut, dji voerè, ki dj' voeye, dj' a veyou)
  70. wazu (oizeur) (A=B=C=waz-); sicrît e rfondou ça dene: (A=B=C=oiz-; dji oize, nos oizans, i oiznut, dji oizrè, ki dj' oize, dj' a oizou).

Sitatistikes des viebes[candjî | candjî l’ côde wiki]

nombe totå: 3627

  1. 2 viebes (awè, rawè)
  2. 2 viebes (ièsse, rièsse)
  3. 1291 viebes (35,59%)
  4. 3 viebes (doner, fordoner, ridoner)
  5. 16 viebes
  6. 38 viebes
  7. 36 viebes
  8. 17 viebes
  9. 7 viebes (intrer, rintrer, lîvrer, rilîvrer, mostrer, rimostrer, rescontrer)
  10. 3 viebes (mârier, dismârier)
  11. 4 viebes (vierser, rivierser, trevierser, divierser)
  12. 465 viebes (12,82%)
  13. 53 viebes (0,01%)
  14. 116 viebes (0,03%)
  15. 82 viebes (0,02%)
  16. 7 viebes (bêrcer, cobêrcer, dèvôrcer, ègzêrcer, fârcer, pêrcer)
  17. 699 viebes (19,27%)
  18. 46 viebes
  19. 27 viebes
  20. 18 viebes
  21. 31 viebes
  22. 11 viebes
  23. 4 viebes (batijî, disbatijî, mèsbrijî, dismèbrijî)
  24. 206 viebes (0,06%)
  25. 30 viebes
  26. 5 viebes (fwarcî et ses parints)
  27. 10 viebes (twartchî, fortchî et leus parints)
  28. 2 viebes (leyî, dileyî)
  29. 1 viebe (rèwèyî)
  30. 236 viebes (0,07%)
  31. 2 viebes (ashir, rashir)
  32. 1 + 4 viebes (aler + raler, endaler, eraler, enderaler)
  33. 26 viebes
  34. 12 viebes
  35. 2 viebes (braire, ribraire)
  36. 4 viebes (boere, forboere, riboere, treboere)
  37. 4 viebes (scheure, coscheure, discheure, rischeure)
  38. 2 viebes (xhorbi, rixhorbi)
  39. 4 viebes (clôre, disclôre, reclôre, riclôre)
  40. 2 viebes (conoxhe, ricnoxhe)
  41. 54 viebes
  42. 7 viebes (cori et ses parints)
  43. 1 viebe (rezoude)
  44. 4 viebes (crexhe, discrexhe, forcrexhe, ricrexhe)
  45. 2 viebes (croere, acroere)
  46. 25 viebes
  47. 2 viebes (cweri, ricweri)
  48. 4 viebes (dire, adire, disdire, ridire)
  49. 2 viebes (diveur, ridveur)
  50. 12 viebes (drovi, covri et leus parints)
  51. 5 viebes (doirmi, edoirmi, fordoirmi, redoirmi, ridoirmi)
  52. 4 viebes (fé, disfé, rifé, ridisfé)
  53. 1 viebe (mori)
  54. 1 viebe (ôre)
  55. 4 viebes (ploure, racaploure, raploure, riploure; viebes difåtiveus)
  56. 3 viebes (poleur, voleur, rivleur)
  57. 3 viebes (ponre, forponre, riponre)
  58. 10 viebes (prinde et ses parints)
  59. 1 viebe (rexhe)
  60. 4 viebes (rire, sorire, tchire, ritchire)
  61. 2 viebes (ascropi, rascropi)
  62. 1 viebe (saveur)
  63. 2 viebes (siervi, rissiervi)
  64. 10 viebes
  65. 6 viebes
  66. 4 viebes (tchaire, astchaire, distchaire, ritchaire)
  67. 25 viebes
  68. 4 viebes (faleur, rifaleur, valeur, rivaleur)
  69. 3 viebes (vey, rivey, trevey)
  70. 2 viebes (oizeur, rioizeur)

Sourdant et pî-notes[candjî | candjî l’ côde wiki]

  1. a noter k' po l' imperatif 1re djin do pluriyal i gn a "crèyans", mins come tot avå i gn a on "w" såf la, et come c' est normålmint li minme foûme ki pol "nos" di l' edicatif prezintrece (crwèyans), dji pinse purade ki c' est ene aroke d' eplaidaedje.