Coirdea d' botroûle

Tos les sinses do mot "coirdea"

Coirdea d' boûtroule stantchî avou ene picete

Li coirdea d' botroûle, c' est èn organe do fetusse, a môde di coirdea, k' el raloye å placinta del mame, et ki mousse dins l' coir al botroûle.

N a ladvins:

• ene voenne
• ene artere
• on tchenå ki va al vexheye.

Côpaedje do coirdea å payelé

Li saedje-dame u l' infirmire côpe li coirdea avou ene cizete. Ele lait sacwants cintimetes. Ele prind on fyi et li loye. Ele nuke li coirdea avou, mins nén a raeze. Ele boute ene sôre di cråxhe et dzinfecter, paski ça pôreut gåter et vni ene sacwè åtôu.

Des côps k' i gn a, ça court ene miete. On l' frote avou on boket d' wate.

Cwand ça n' sûne nén, ki c' est bén setch, li boket d' coirdea dvént noer come do toubak. Ca s' gåte setch et ça toume tot seu.