Colera des poyes

Èn årtike di Wikipedia.
Potchî a: naiviaedje, cweri
Cok di mopliyaedje avou del vete schite
Taetches di necrôze sol foete

Li colera des poyes u pasteurelôze des oujheas, c' est ene pasteurelôze ki totès sôres d' oujheas d' poli polèt atraper. Les poyes zeles-minmes, mins eto les canîs, les dinnes, les åwes et minme les canaris.

Elle est cåzêye pa ene bactereye : Pasteurella multocida.

C' est ene des pus viyès maladeyes k' on-z a ricnoxhou et discrît. C' esteut on lomé "Chabert", on Francès e 1782.

C' est foirt consecant del poleur ricnoxhe, aprume po n' si nén brouyî avou li pesse des oujheas.

Sinsiûlisté[candjî]

Dins le s tropeas di mopliyaedje, les coks sont pus vite rascråwés k' les poyes.

Dins les polets, c' est les pus vîs ki sont les pus sinsiûles.

Senes del maladeye[candjî]

Dins les sorawiyants cas, les oujheas crevèt tot d' on côp.

Les oujheas ki sont foirt malådes ont del five, des laidès plomes do sûnaedje ki rexhe do betch, et i tanflèt.

Gn a sovint del vete schite, did la l' alomåcion di "colera"

Dins les cas pus londjins, on-z a des houzaedjes des gorletes, des djonteures, des winnes des tindons, et do dzo des pates.

Senes ezès dispoyes[candjî]

Li discôpeçaedje des curêyes va mostrer:

  • Des taetches di sonk sol cråxhe did dissu l' cour. C' est on sene foirt tipike del maladeye.
  • Afeye, taetches di necrôze sol foete.
  • Efouwaedje des boyeas.