Des omes et des diès (fime)

Èn årtike di Wikipedia.
Potchî a: naiviaedje, cweri

Des omes et des diès, ki l' mwaisse tite, e francès, c' est Des hommes et des dieux, c' est on fime prodût pa Xavier Beauvois, et k' est rashiou so l' afwaire do touwaedje des moennes di Tiberene e 1996.

Li fime a stî mostré pol prumî côp li 18 di may 2010, al bate oficire del Fiesse des fimes di Cane. Il î a rascodou l' pris do djuri.

Il a rçû, li 25 di fevrî 2011, li Cezår do meyeu fime po l' anêye 2010.

Bate di dvizes sol tite[candjî]

Teyolodjicmint, tite francès ("des omes et des diès") nén pus ki l' ratournaedje e walon, mot po mot, ni sont djusses. [1] Li meyeuse manire di dire sereut motoit : « des djins et des manires diferinnes di siervi l’ minme Bon Diu ». Mins ci n’ sereut pus on tite di fime !

Racourti[candjî]

C’ est ene istwere k’ a-st arivè a Tibirine, e l’ Aldjereye. Des trapisses francès î ont stî stornés.

Po viker et diner åzès djins, les moennes di Tiberene fijhèt crexhe des legumes et des yèbes po soladjî les mås, fé del låme, evnd. Onk di zels, li Fré Luk, est docteur et sogne les malådes.

Picote a migote, i s’ ont metou avå les djins do viyaedje ey esse bén veyous dins tot l’ payis,

Çou ki n’est nin do gosse des estremisses muzulmans, ni co des mwaisses politikes aldjeryins.

Dins on prumî timps, tortos, ossi bin les estremisses ki les politikîs, sayèt do les traker foû do payis. I les mançèt di totes les manires. Zels, il ont peu, bén etindou. Portant, après end aveur bråmint dvizé inte zels, i decidèt do dmorer e leus cassenes.

Ene nute, des djins – on n’ sait nin kî – les ont vnou haper sins doûceur. On les voet co roter lontins el nive dins l’ sipesse brouheur dol montagne. Et pu : pus rén !

On n’ ritrovrè leus coirs tot mesbridjîs ki bén pus tård. Et, a l’ eure d’ enute, mågré les inketes, on n’ sait nén pa kî k’ il ont stî prins... [2]

Sourdants[candjî]

  1. Sapinse å Pere Trapisse di Rotchfoirt, a ene seyance publike di pordjetaedje do fime. (Désiré Malet, Li Rantoele 58, esté 2011).
  2. Désiré Malet, come cial padzeu.