Disclonaedje

Èn årtike di Wikipedia.
vatche (veyowe do drî) avou on clon djus, a hintche

Li disclonaedje, c' est cwand ene vatche a on clon djus, eneviè l' ôte.

On dit kel vatche est disclonêye u dispotlêye u dishantchêye u discronjhlêye.

Li disclonaedje respond a on ridaedje-evoye del makete do femur foû do pot del hantche.

Li makete di l' oxhea del coxhe pout schiper evoye ådzeu (et padvant) li djontere del hantche, ubén ådzo et padrî. Les ôtes ridaedjes-foû (ådzo et padvant, ådzeu et padrî) sont pus råles.

Les vatches k' ont cisse maladeye la ont on clon bråmint pus bas k' l' ôte, mins ele polèt co roter. Ele polnut viker avou ci dfåt la, s' ele ni sont nén trop pezantes.

Gn a nou åjhey médiaedje a ç' maladeye la.

Li disclonaedje des vatches respond å dismetaedje del hantche ås djins.

Alez s' vey e splitchant motî po des linwincieusès racsegnes so les mots "discloné", dispotlé" et discronjhlé.

Alére[candjî | candjî l’ côde wiki]

  • (en almand) G. Rosenberger, Krankheiten des Rindes, Verlag Parey, Berlin, 1978, ISBN 3489617169, s. 463-466.
  • (en inglès) P. Greenough, F. Weaver & A. Weaver; Lameness in cattle, Wright Scientica, Bristol, 1981, ISBN 0956080306, p. 269-273.