Divoirçaedje

Èn årtike di Wikipedia.

Li divoirçaedje u dismariaedje (on dit eto : divoice), c' est li fén oficire do mariaedje inte deus djins.

Li divoirçaedje n' egzistéve nén dizo l' ancyin redjime. C' est ene des noveatés k' ont-st arivé el Walonreye avou l' redjime francès.

Les rlidjons ni voeynut nén voltî l' divoice. Portant li rlidjon muzulmane l' acceptêye. Li rlidjon catolike nén.

Po des linwincieusès racsegnes sol mot "divoirçaedje", alez s' vey sol Wiccionaire

Droets et dvwers après l' divoirçaedje[candjî | candjî l’ côde wiki]

Les lwès sol divoirçaedje candjèt foirt d' on payis a l' ôte.

L' ake di dismariaedje divreut mete noer so blanc:

  • li pårtixhaedje des béns atchtés do tins do mariaedje, si les spozés l' estént a plin mariaedje (sins contrat d' mariaedje).
  • li wåde des efants
  • s' il astchait, l' evoyaedje di cwårs (pinsion) a onk des dvoircîs sins ovraedje pa l' ôte ki wangne bén s' veye (pinsion d' divoice).

Les lwès des payis divrént eto mostrer les pondants et les djondants po cwand les k'-estént-maryîs-eshonne ni respectèt nén les clawes di l' ake di dismariaedje.

Kidujhance après l' divoirçaedje[candjî | candjî l’ côde wiki]

Les dvoircîs polèt rfé des rbasteyès familes.

Dins les Belès Letes e walon[candjî | candjî l’ côde wiki]

On n' djåze nén voltî do divoirçaedje dins les belès letes e walon. Portant gn e sacwants cope dismaryîs dins les romans del coleccion Somme-Denis (metans dins «Tereze»).

Dins l' roman «Vera» da Lucyin Mahin, li divoirçaedje si fwait dins on cotoû di dujhances ki n' sont nén les cenes del Beldjike.

Nadine Modolo a scrît on foirt tinrûle arimé sol divoice, veyou des «ouys» d' on cour d' efant.