Djåçlete

Djåçlete (la-minme Djauçlète, F. Jauchelette), c' est èn ancyin ptit ban del Walonreye, rebané avou Djodogne, el province do Roman Payis.

• Limeros del posse :
  • asteure : 1370
  • davance : 5902
• Limero diyalectolodjike : Ni 67.
• Arondixhmint : Nivele
• Lomaedje des djins : "Djåçletîs"
• Dicåces :
  • Pitite fiesse : al Sint-Pire, li dimegne d' après l' 29 di djun.
  • Grande fiesse : li prumî dimegne d' octôbe; rilaxhåde cwénze djoûs après.

Po l' etimolodjeye et les vîs scrijhas, riwaitîz dins l' esplicant motî.

Djeyografeye

Djåçlete est raiwêye del Djåce

Tuzance walone

• Ricwereus sol walon : Jean-Jacques Gaziaux. Il a riscrît ene cåkêye di respondas e walon di des djins do viyaedje. Ça fwait k' l' accint d' Djåçlete est onk des mî cnoxhous del Walonreye.
• Accint walon d' Djåçlete : c' est on walon do Mitan, mins co avou des assaetchances eviè l' Payis d' Lidje (come l' uzaedje di "fiesse" po "dicåce"). Come dins tot l' Levant do Roman payis, li spotchåve voyale est ë. Li minme son si trove esto ådvins des mots, metou estô di I eyet di U (lë kë dë m' vélo = li cou di m' velo).