Djivêye des motîs do walon
Èn årtike di Wikipedia.
Li djivêye des motîs do walon, c' est ene lisse di cåzu 500 diccionaires et motlîs, bråmint des walons-francès, k' a stî ramexhnêye e 1992 pa Johan Viroux. Ele fourit spårdowe e 1994 pa Lorint Hendschel dins si studia "Å raploût-tot des walons".
Les prumirès båzes di dnêyes î ont stî stitcheyes e 1998 pa Lucyin Mahin. Ci-cial a-st eto eplaidî li djivêye so les fyis (1998), tot lyi radjoutant sacwants sourdants, des motîs u motlîs rovyîs, les inketes ALW et da C. Bruneau, les noveas diccionaires k' ont moussî foû dispu 1992, et les motîs et motlîs ki parexhént sol Daegntoele.
[candjî] Adjinçnaedje del djivêye di motîs
- Motîs avou tos les accints del Walonreye, u avou dipus d' ene coine, ki poirtèt on limero avou l' lete G (ki vént do francès général, djenerå).
- Motîs do walon avou l' accint do Levant, ki poirtèt on limero avou l' lete E (come Ess del Walonreye).
- Motîs do walon avou l' accint do Mitan, ki poirtèt on limero avou l' lete C (come Cinte del Walonreye).
- Motîs do walon avou l' accint do Coûtchant, ki poirtèt on limero avou l' lete O (come Ouwess del Walonreye).
- Motîs do walon avou l' accint del Basse Årdene, ki poirtèt on limero avou l' lete S (come Sud del Walonreye).
- Motîs do rfondou walon, ki poirtèt on limero avou l' lete R (come Rifondou).
Les pus gros motîs (sovint spotés les "gros ronflants") î sont-st eplaidîs e rodje coleur, et les ôtes pus consecants e måve coleur.
[candjî] Ritchesse des sorgropes
Å 8 di djanvî 2008, li djivêye contéve 493 sourdants:
- Motîs do rfondou walon : 9 sourdants.
- Motîs djenerås : 112 sourdants.
- Motîs do walon do Payis d' Lidje : 179 sourdants.
- Motîs do walon do Mitan : 64 sourdants.
- Motîs do walon do Coûtchant : 82 sourdants.
- Motîs do walon del Basse Årdene : 49 sourdants.
