Djumet

Eplaeçmint di l' ancyin ptit ban dins l' Grand Tchålerwè

Armwereyes di Djumet

Djumet (F. Jumet), c' est èn ancyin ptit ban del Walonreye rebané avou Tchålerwè, el Province do Hinnot.

• Limeros del posse : asteure : 6040 (nén candjî)
• Limero diyalectolodjike : Ch 43; mwaisse pont d' l' A.L.W.
• Arondixhmint : Tchålerwè
• Lomaedje et spotaedje des djins :
  • Lomaedje : Djumtî, Djumtresse ; (F. Jemétois, Jumetois, oise) 
  • Sipotaedje : les Bleus. 

Po l' etimolodjeye et les vîs scrijhas, riwaitîz dins l' esplicant motî.

No di des plaeces di Djumet

• A l' Agåxhe (a l' aguéche, Fr. Lagasse)
• Ås Åjhlîs (aus-éjlîs Fr. Zaigelies)
• A l' Altrêye (F. Altrée)
• Al Cwerele (al Cwérèle, Fr. Quairelle)
• Al Caijhete (al kéjète, Fr. Quaizette)
• Å Djarbos (au djârbo, Fr. Diarbois)
• Goyîssåt (Goyîssau, Fr. Gohyssart)
• Ås Hamindes (aus amindes, Fr. Hamendes)
• Hegne (Fr. Heigne)
• Houbwès (oubwè, Fr. Houbois)
• Al Lorinne (a lôrène, Fr. Lorraine)
• Målavêye (Maulavéye, Fr. Mallavée) 
• Å Spinoe (au spinwè, Fr. Spinoy)
• Å Tchôd Moncea (Tchaud Moncha, Fr. Chaudmonceau)
• Å Tchîf-leu (Chèfië, Fr. Chef-lieu)
• A Tongue (Fr. Tongres)
• Triyanoe (triyanwè Fr. Trianois)
• Å Trô (Fr. Trou) 

Tuzance walone

Waloneus

• Robert Arcq, sicrijheu et rcwereu sol walon î a viké.
• Andrée Rousseau a scrît one teze dissus les noms d' plaeces di Djumet (e l' ULg). C' est leye k' a respondou a l' inkete di l' ALW po Jean Haust.
• Philippe Sclaubas î a vnou å monde et-z î viker tote si veye.

Accint walon d' Djumet

Dins l' accint walon d' Djumet, gn a ene divanceye voyale "i"

• il guernouye (el gurnouye)
• il guernouye is fout dins l' tiesse (ès fote dins l' tiesse)
• Et s' isquète djusqu'au cu (Et s' eskete disk' å cou)