Bwès d' poye
Li bwès d' poye u bos d' poye u ayåbe des tchamps, c' est èn åbe do djinre des oyåbes avou do deur bwès, et des fruts avou des aiyetes.
Sincieus no d' l' indje : Acer campestre.
Eployaedjes
[candjî | candjî l’ côde wiki]Li doyåbe des tchamps a on bwès fameuzmint coriant (deur), et niereus, k' a l' pelote foirt rexhe[1]
Adon, i sierveut a fé des bresses di tcherete des mantches di hapietes, di hés, di fotche, ou d' ôtès usteyes. Ossu des touwea d' pupe, des bordons, des airs ås fritches, et des pîces di gayoles ås moxhons.[2]
Avou ses nuks (des nocrês ki vnèt foû do buk), on fjheut tot des biblots d' bwès.
On l' lome "bwès d' poye", pask' el bwès wåde li tcholeur cwand k' on l' toutche. C' est po ça k' on s' endè sierveut po fé des djokes ås poyes. Ça lzî tént tchôd leus pates.[3] Ça tchesse eto les rodjes pious, ca i n' si savèt muchyî dvins tins del djournêye.
Adire inte li bwès d' poye eyet l' bwès d' cok
[candjî | candjî l’ côde wiki]
Loukîz a : Oyåbe#Sacwants oyåbes
- Li bwès d' poye a des foyes pus ptites et pus arondeyes ki l' bwès d' cok.
- L' åbe lu-minme est pus ptit. C' est motoit did la ki l' mot "bwès d' cok" vént, li cok estant pus grans ki l' poye.
- On l' voet sovint å mitan d' on tchamp, u come åbe di boirdeure (li bwès d' cok vént dins les bwès).
- Li bwès d' poye vént bén sol castinne, mins nén so les schayisses.
