Tchanteure

Èn årtike di Wikipedia.
(Redjiblé di Edujhoe)
Pol discramiaedje des årtikes avou l' mot « Tchanteure », loukîz cial.

Po des linwincieusès racsegnes sol mot "tchanteure", alez s' vey sol Wiccionaire

dilé Hayin (Dolimbreu)

Ene tchanteure[1], u èn egolina, on pousse, èn edujhoe, èn egoloe, c' est ene plaece la k' ene corante aiwe disparexhe dins tere, e-n on payis castinnixheus.

L' aiwe ki mousse e tere pout esse on ri k' i gn a tofer di l' aiwe u on ravå cåvlé pa des grossès lavasses.

Gn a toplin des egoloes k' ont leyî leu no a on leu-dit del Walonreye.

Skepiaedje d' èn adujhoe[candjî | candjî l’ côde wiki]

C' est l' minme afwaire ki po ene fondreye u des cåves djeyolodjikes. Li fondaedje del rotche castinnixheuse, kimagneye på seur di carbone (del plouve k' a dismantchî li CO2 d' l' air), va fé des trôs dins tere, come les cis d' on froumaedje di Holande. Cwand ces trôs la sont tot près del pelete del tere, i s' vont efondrer. L' aiwe ki rixhele dzeu s' î va egoliner. Come li daegn est trawé tocosté, l' aiwe trouve on tchmin po continouwer s' coûsse.

Djeyografeye des adujhoes[candjî | candjî l’ côde wiki]

El Walonreye, i shuvèt li stroete binde Fagne-Fåmene, di Cerfontinne a Rmoûtchamp. Mins pufrade so les boirds di cisse sitindêye la. E mitan, tote li rotche s' a ddja etaessî, et gn a pus nou trô ådzo.

Sourdant[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou les tchanteures .
  1. mot walon avou l' cawete -eure, acertinêye pal disfondowe tchantore et l' vî scrijha chanteur, dandjreus metou po tchanteûre, G206 p. 54) k' a dné li francijhaedje «chantoire», divnou omrin «chantoir», ki s' a spårdou e 20inme sieke, et ridner les rfrancijhas walons tchantwêr et tchantwêre.