Eglijhe vî-catolike

Èn årtike di Wikipedia.
Potchî a: naiviaedje, cweri
Sovni di l' ôrdinåcion d' on diyåke sicrît eto e walon

L' eglijhe vî-catolike, c' est ene eglijhe catolike ki s' a schåyî di l' otorité do Påpe e 19inme sieke. Aprume a cåze do doke di nén-trompåvté do Påpe et do Sillabusse des ereurs.

Elle a stî askepieye ezès Bas Payis shuvant li Diclaråcion d' Utraik (1871).

Gn a a pô près 500.000 djins ki shuvèt ci corant la.

Elle pratike les sacramints come les romins catolikes, mins est bråmint pus lådje so sacwants sudjets come li mariaedje des curés, li benixhmint des rmariadjes di djins k' ont divoircî, li mariaedje di copes omo, evnd. Elle a dit messe dins les lingaedjes do payis dispu 1877 (dabôrd k' il a falou ratinde 1965 pol minme sacwè amon les catolikes romins), mins nén todi.

El Beldjike, l' Eglijhe vî-catolike est bén rprezintêye a Brussele (Stalingradstrêye 58), et ons î dit messe e latén, francès, flamind et tålyin. E 2010, ene tchapele a eto stî drovowe a Sint-Serwai.

Hårdêye difoûtrinne[candjî]

Commons
I gn a so les cmons Wikipedia des imådjes ou fitchîs son a vey avou l' Eglijhe vî-catolike .