Escô
|
||||
|---|---|---|---|---|
| Longueur | 430 km | |||
| Hôteur å sourdant | 95 m | |||
| Debit moyén | 120 m³/s | |||
| Sitindêye del vå | 21.860 km² | |||
| Sourdant | France | |||
| S' egoline dins | Mer do Nôr | |||
| Passe pa | France,
Beldjike |
|||
L'Escô (fr: Escaut, nl: Schelde) est ene aiwe ki prind sourd dilé Gouy (Aisne, France) et trivierser l' Beldjike. Dins l' tins, il aveut deus bresses, mins gn a ki l' bresse coûtchantrece ki radjond co li Mer do Nôr, inte Breskens eyet Flessingue åzès Bas Payis. I est 350 km long.
C' est on fleuve k' a djouwé on grand role dins l' diswalpaedje economike eyet politike del Flande, do Braibant eyet do Hinnot dispoy li Moyinådje. Il est canålijhî et naiviåve a pårti di Cambrai et triviesse Valenciennes el France, Tournai, Gand eyet Anvers el Beldjike.
I gn a kékès 250 sicluzes ey astantches so s' tradjet eyet l' ci des aiwes ki s' î vnèt-st agoliner, emey les kénes on pout lomer li Scarpe, li Lys eyet li Sensée.
C' est on fleuve londjin et waire poûxhant ki les marêyes fijhèt sinti leu-z influyince disk' a 160 kilometes lon di l' egolineure el Mer do Nôr. Si estuwaire est pluzieurs kilometes lådje, eyet les brohisses k' i gn a dvins ofrèt-st ene nouzome ritchesse ecolodjike.
