Få (usteye)

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "", alez s' vey sol Wiccionaire

fåtcheu ki rshinme si få (François Gianolla)

Ene , c' est ene usteye avou on mantche et ene lame, po fåtchî (on dit eto "soyî") å four u ås dinrêyes.

L' eployaedje del få a shuvou l' ci del seye. Le pus viye usteye po fåtchî, c' esteut l' seye. Les fåtcheus al seye estént eto lomés les crouwådeus.

Il a stî shuvou do ci del raezete. Mins minme a ç' moumint la, gn aveut co dandjî del få po fé les voyes (lårdjeur tot åtoû do tchamp, po li tchvå et l' coir del machine passer).

On bon fâtcheu al få pleut fâtchî disk’ a trinte åres so on djoû, c’ esteut on djournå.

Rawijhaedje et rbataedje del få[candjî]

Cwand on fåtchive, on rawijhive li lame tos les cwårts d' eure, tot passant ene pire a rawijhî dsu. Cisse pire a få la esteut pindowe al cingue do fåtcheu, dins on coirnî u on buhet. Ladvins, gn av' di l' aiwe avou do vinaigue.

Al nute, li fåtcheu rbateut s' få so èn egloumea. Po-z ataker, i prindeut les batmints (li mårtea avou ene pene et l' eglumea). I plantéve l' egloumea el daegne, et s' ashire, les djambes eschåyeyes. Adon, trimper li pene do mårtea dins ene cassete d' aiwe. Et, tot tnant li spès boird del få avou l' hintche mwin, taper sol taeyant avou l' pene do mårtea, tinou del droete mwin. Et avancî, tot doûçmint, do talon disk' al betchete del lame.

Les pîces del få[candjî]

Tchaeke des pîces del få aveut sacwants nos e walon [1].

Få et seye[candjî]

ene få d' brouyire (sins pougneye) et ene fåjhele

Sourdant et pî-notes[candjî]

  1. ALW l° 9, notûles 149 & 150
Commons
I gn a so les cmons Wikipedia des imådjes ou fitchîs son a vey avou Få (usteye) .