Fås åbusson
Li fås åbusson, c' est on gros et spès tchampion a laecea k' on rescontere dizo les plopes e les sås dins les bwès a foyes.
| fås åbusson | ||||||||||||||||
|---|---|---|---|---|---|---|---|---|---|---|---|---|---|---|---|---|
 Lactarius vellereus (Foto: Jean-Pol Grandmont). | ||||||||||||||||
| Rindjmint sincieus | ||||||||||||||||
|
Discrijhaedje[candjî | candjî l’ côde wiki]
Foirt grand deprimé tchapea (10-25 cm) avou ene fosse e traitoe å mitan et on boird incurvé, di coleur blanc-crinme, tournant å djaene-tchamois et po fini rodjåsse-pâle-canele, kissemé di totès ptitès flotches etercroejhlêyes ki lyi dnèt ene miete li cogne d' on drap espondje. Les lames sont-st espacêyes, sitroetes et cassantes, d' abôrd di coleur blanke et pu divnant ocracé-pâle.
Il a-st on foirt abondant blanc-crinme laecea ki soude d' lu cwand on l' côpe ou k' on l' coixhe.
Il a-st on deur, court et massif pî (4-8 x 2-4 cm) ki s' afine so si dzo. Si tchå est blanc-crinme, ene miete djaene ou brun-pâle et n' a po insi dire pont d' odeur, mins ene foirt âcre saveur.
I vént dins tos les bwès a foyes, di preferince dizo les plopes et les sås, del fén d' l' esté a l' årîre-såjhon.
Eployaedje[candjî | candjî l’ côde wiki]
Li fås åbusson est on magnåve tchampion di mwaijhe cwålité a cåze di si insuportåve âcreté (e Rûsseye, i n' sont nén ossi nareus k' nozôtes et i lzès mougnèt rostis e finès trintches).
Bibliografeye[candjî | candjî l’ côde wiki]
Tites des lives e francès k' i gn a avou pus di racsegnes so ç' tchampion la:
- Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
- Marcel Bon: Champignons de France et d'Europe occidentale (Flammarion, 2004)
- Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
- Roger Phillips: Les champignons (Solar, 1981) - ISBN 2-263-00640-0
- Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
- G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
- Henri Romagnesi: Petit atlas des champignons (Bordas, 1970) - ISBN 2-04007940-8