Fåsse pesse des oujheas

Discramiaedje di tos les eployaedjes do mot "pesse"

Li fåsse pesse des oujheas u maladeye di Noû-Tchestea-e-l'-Inglutere, c' est ene maladeye des poyes et des ôtes oujheas d' poli.

Li fåsse pesse, c' est ene maladeye a declaråcion oblidjeye. Mins elle est télmint corante dins sacwants payis k' on nel dit nén a l' OIE.

Minêyolodjince

Elle est foirt touwante, avou des morances disk' a 100 % si les oujheas n' ont nén stî eploctés dvant.

Li coube di morance monte todi dpus tos les djoûs; li cénkinme djoû, gn a l' mitan des poyes ki sont ddja crevêyes. On sait bén k' on è frè po tot l' tropea.

• 

  Toirtchaedje do cô a on canård.

• 

  Toirtchaedje do hatrea a on poyon.

• 

  Mayta so les stoumaks, efouwaedje do prumî boyea (ådfoû a droete, ådvins a hintche).

Senes del maladeye

Coube di pounaedje avou ene infeccion do virûsse del fåsse pesse sins ôte sintome

Li prumî djoû, dins les poytreyes nén eploctêyes, on va aveur des oujheas ki toumèt roed moirts. Et les ôtes biesses ni shonnnut nén esse malådes. Pu on-z årè do stiernixhaedje et do rôguia. Avou del vete schite. On pô après vont vni les simptomes del tiesse, copurade li toirdaedje do hatrea.

Dins les bindes vaccinés, tos les oujheas seront crevés dins les deus troes djoûs. Si les poyes u polets ont stî eploctés, les senes nierveus vont-st ariver après 6, 7 djoûs.

Dins les poyes pouneuses, vaccinêyes et rvaccinêyes, li maladeye pout co cwand minme passer sins k' les biesses shonnénxhe atrapêyes, mins avou on tcheyaedje do pounaedje, 5 a 6 samwinnes å long. Adon-pwis, li coube di produjhaedje d' oûs ridvént normåle.

Damaedjes divintrins

Li pus tipike, c' est l' mayta d' sonk so l' estoumak vraiy et l' djezî. On-z a eto di l' efouwaedje do prumî boyea.

Diyagnostik

Li fåsse pesse rishonne li pesse des oujheas. Mins cisse-ciale est bén tracêye, dabôr ki le minêyes di fåsse pesse rôlèt totavå l' Daegne.

Espaitchance

Les vaccins si fwaiynut a tot côp bon, dins bråmint des payis. Les poyons sont-st eploctés deus u troes côps inte 7 et 21 djoûs. C' est tot po les polets. Po les poyes ponresses et les meres di poyons, on ratake avou des pikeures deus troes côps divant k' ele ni ponexhe. Adon-pwis, tins do tins d' ponaedje, co on replocta dins l' abuvraedje tos les troes moes.