Félix Duval

Èn årtike di Wikipedia.
Potchî a: naiviaedje, cweri

Wiktionary-logo.svg

Li Wiccionaire si rsieve di sacwants fråzes da "Félix Duval" po-z enimådjî des mots k' i gn a.

Félix Duval (pacô riwalonijhî e Félisse Delvå), c' esteut on scrijheu e walon k' a skepyî li 19 d' awousse 1914 å Bos d' Inne, et-z î mori li 2 d' avri 1991. Il a bråmint eplaidî ses tecses dins li rvowe El Moxhon d' Ônea.

C' esteut purade on fjheu d' arimeas, foirt dilé les mwaissès idêyes del djermêye 48, mins sins aveur sitî dins ç' soce la.

Il a ramexhné ses scrîts, ricoridjîs pa Robert Dascotte e deus schorseyes : "Tchimins sins dbouts" (1973), pu "Prumîs tocaedjes" (1974), eplaidîs a Inne-Sint-På. Ces scrijhaedjes la avént rascodou l' pris do Hinnot e 1972.

Félix Duval eploye on foirt ritche motlî.

Il a stî rprins dins l' antolodjeye «Scrire».

Di s' mestî, il esteut professeu d' umanités.

Corwaitaedje des arimeas da Félisse Delvå.[candjî]

Å cmince, il aveut ptchî les zandrins. Il ls emantche voltî sol cogne di xhilteas.

Portant, i va co rade si mete al powezeye avou des courts vers (cwate-pîs) et minme des deus-pîs, avou u sins rimaedje, emantchîs e ptits powinmes.

Tot divnant vî, i s' metrè purade al prôze-powezeye, C' est des sfwaits bokets k' il eplaidrè dins l' antolodjeye "Scrire".

Foirt romantike dins ses tinmes, Félix Duval djåze sovint del bele. Ci côp la, i mostere tofer si disbåtchance, ki provént dandjreus d' ene rascråwe d' amour (on manaedje k' aléve a schî-fesse ?). I n' è rwerixhrè måy, mins ça l' moennrè, a môde di Musset, so l' tchimin des estoeles (li powezeye). Mins l' voye serè bénrade on tchmin sins coron, sins espwer, sins rafiya.

Ratournaedje e francès di l' arimea "Resconte"[candjî]

Al brune,
Dj' a rescontré mes sondjes,
Onk a onk
Dissu l' voye
Di mes reves.

A la brune, / J'ai rencontré mes songes, / Uun à un, / Sur la route / de mes rêves.

Come des curés,
I ndalént e muznant
Al keuy-leu-leu,
Come des bribeus.

Comme des curés, / Ils s'en allaient en fredonnant, / A la queue-leu-leu, / Comme des mendiants.

Dj' elzî a vlou pårler
Di vos,
Di mi,
Di nos,
Did tot.

J'ai voulu leur parler / De toi, / De moi, / De nous, / De tout.

I m' ont waitî
Di leus vudes iys,
Di leus iys di sondje,
Parfonds
Come des fosses
Eyet froeds
Come des moirts.

Ils m'ont regardé / De leurs yeux vides, / De leurs yeux de songes, / Profonds / Comme des mines / Et froids / Comme des morts.

Mins sins rén dire,
I sont-st evoye
Po todi
Å diale.

Mais, sans rien dire, / Ils sont partis / Pour toujours, / Sans espoir de retour.

Yet cwand dj' a veu
Çou ki dmoréve
Di vos
Di mi
Di nos
Did tot.

Et quand j'ai vu / Ce qu'il restait / De toi, / De moi, / De nous, / De tout,

E tnant bén foirt
Èm cour
Ki n' comprind nén,
Ki voet voltî,
Ki vike
Coûtchî a tere,
Disberlokî,
Come èn efant batou,
Dj' a brai.

En étreignant / Mon cœur / Qui ne comprend pas, / Qui aime, / Qui vit, / Couché à terre, / Désemparé, / Comme un efant battu, / J'ai pleuré.

Hårdêye difoûtrinne[candjî]