Sint-Nicolai (fiesse)

Èn årtike di Wikipedia.
(Redjiblé di Fiesse Sint-Nicolai)
Pol discramiaedje des årtikes avou l' mot « Sint-Nicolai », loukîz cial.

Li Sint-Nicolai, c' est ene fiesse des efants el Beldjike ki s' passe li 6 di decimbe, li djoû k' on dit ki l' vraiy sint Nicolai a morou.

Sipårdaedje et date[candjî | candjî l’ côde wiki]

Li Sint-Nicolai est fiesteye li 5 di decimbe ezès Bas-Payis eyet l' 6 di decimbe el Beldjike.

On fiestêye li Sint-Nicolai el Walonreye, Flande, el Lorinne, el Holande, el Swisse almande.

Et foiravant dins tos les payis slaves.

Discrijhaedje del fiesse[candjî | candjî l’ côde wiki]

Li persounaedje da Sint-Nicolai est djouwé pa èn ome avou ene blanke båbe et on rodje mantea. So s' tiesse, i poite ene mite (tchapea d' eveke) avou ene croes dsu

I vént so èn ågne, avou on bassa plin d' bistokes.

Il est acpagnté di Hanscroufe (ou Pere Fwetård), ki va scoryî les efants ki n' ont nén stî saedjes.

Il apoite des djouwets et des gueuzreyes ås efants (leu sint-Nicolai) k' il a tcherdjî so s' bådet. Apeume des nicnaks.

I passe pal fouwire, et lzès mete å pî do feu e l' aisse. La, les efants ont metou leus solés, et des raecenes por lu dner a si ågne.

Arivêye di Sint-Nicolai dins les anêyes 2000[candjî | candjî l’ côde wiki]

Dins les floricontes, Sint-Nicolai atchvale todi on bådet. C' est co co come ça k' il arive sovint, dins les payis ki sayèt di wårder les viyès uzances.

Mins, a pårti des anêyes 2000 (ça a motoit cmincî ezès Bas Payis), l' arivêye di Sint-Nicolai po ene trope d' efants ki l' rawårdént s' a fwait d' ene façon saizixhante.

I pout avni e batea u a pedalo; minme e-n areyoplane, so on tchvå u minme so on chamo.

Novelès dujhances sol fiesse ezès anêyes 2010[candjî | candjî l’ côde wiki]

riclamaedje disconte do mostraedje di Hanscroufe, Misterdam, 2013

Dins les anêyes 2010, el Walonreye, todi, gn a yeu des djins po rclamer ki Hanscroufe, avou s' vizaedje tot maxhuré, acsegnive on sintimint raecisse.

Li clintcha a motoit vnou des Bas Payis, la k' gn a yeu des manifs disconte li persounaedje.

End a eto k' ont discåzé l' croes k' est sol mite.

On a don rsaetchî l' croes sol mite, et n' pus fé acpagnter l' Sint-Nicolai di Hanscroufe.

Dischindant del Sint-Nicolai[candjî | candjî l’ côde wiki]

Les ebagants holandès evoye e l' Amerike rivolît fiesti l' Sint-Nicolai après kékès anêyes passêyes låvå. Mins i n' savént pus l' date. Ça fwait k' il ont askepyî li persounaedje do Pere Noyé k' il ont fwait vni so Tere li 25 di decimbe. Lu, i tchedje ses bistocaedjes so des renes.

Rireyes a dire al Sint-Nicolai[candjî | candjî l’ côde wiki]

Dji vén d' etinde so "Vicansté" ki l' sint Nicolai dene 1000 po l' ci ki rtrouvrè s' bådèt... Si vos m' è dnez dpus, dji n' lyi dirè nén ewou ki vs estoz![1]

Alére[candjî | candjî l’ côde wiki]

Hårdêye divintrinne[candjî | candjî l’ côde wiki]

tchanson d' Sint-Nicolai

Hårdêye difoûtrinne[candjî | candjî l’ côde wiki]

Tecses e walon sol Sint-Nicolai (so l' Aberteke)

Sourdants[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou l' Sint-Nicolai .
  1. so èn emile da Djåke Desmet