Fotbale

li gazete des "gades a royes" (les zebes), sipotaedje des djouweus d' Tchålerwè.

Li fotbale (on dit eto fousbale ), c' est on djeu ki onze djins pitèt eshonne dins ene bale, siconte ene ôte ekipe di onze, avou des tchmijhes d' ene ôte coleur. Tchaeke ekipe doet sayî di fé moussî ci balon la dins l' gayole di l' ôte ekipe, metowe sol forire do terén. Cwand el sititchèt ladvins, on dit k' c' est "gôl".

Po fé shuve li droet do djeu, gn a on 23inme ome, sovint noer moussî, li referé. Foû do terén, il est aidî pa deus ôtes årbites, les linesmanes.

Alez s' vey e splitchant motî po des linwincieusès racsegnes so les mots "fotbale", "fousbale", referé, linesmane.

Istwere del fotbale

Ci n' est k' å cmince do 20inme sieke k' on cminça a-z î djouwer el Walonreye. Pitchote a midjote, i replaeça l' djeu d' bale come l' espôrt li pus shuvou el Walonreye.

Ås djeus olimpikes di 1920, a Anverse, c' est l' ekipe bedje ki rascoya li medaye d' ôr.

Les ekipes walones del prumire divizion bedje

• Lidje : li Standård, sipotés les "Rodjes" (les Rouches) avou des rodjès hådes.
• Tchålerwè : li Spôrtigne (sipotés les "Zebes avou des noers et blancs mayots).
• del Lovire : sipotés les Leus.
• Moucron.
• Mont : sipots les "Dragons".

Hårdêyes difoûtrinnes

• Pådje sol fotbale so l' "Aberteke"
• Motî del fotbale
• Rezultate fotbal
• Pådje da Djan Goffart so les ecoraedjeus di l' Esportigne di Tchålerwè.