François Bailleux

Èn årtike di Wikipedia.
Potchî a: naiviaedje, cweri

François Bailleux (e walon, Tchantchès Bayeu), c' esteut on scrijheu e walon, mimbe askepieu del SLLW, et si scretaire del prumire seyance disk' a s' moirt.

Il a skepyî e 1817 ey a morou li 14 di djanvî 1866.

Il a ratourné toplin des fåves da Lafontinne e walon. Il a scrît ossu sacwants tchansons e walon.

Il est rprins dins l' grosse antolodjeye da Piron.

Il a fwait des rcwerances so l' ortografeye do walon, so l' diccionairaedje, mins co purade so l' eplaidaedje des vîs tecses e walon, inte di zels, les cis do teyåte lidjwès.

Di s' mestî, il esteut pårlî.

Françwès Bailleux, veyou pa Nicolas Lequarré[candjî]

Li ci k' dj' a wårdé pol boune betchêye, li pårlî Tchantchès Bailleux, et k' dj' åreu motoit dvou lomer 1' prumî, å respet des siervices sins pareys k' il a rindou al Societé so ene gote pus d' nouv ans k' endè fourit secrétaire, dispoy li prumire seyance disk' å djoû di s' moirt, li catoize di djanvî meye ût cint swessante-shijh.

I n' aveut k' cwarante ans, mins on pout dire k' end aveut viké l' dobe, télmint k'il aveut d' l' exhowe et k' esteut djinti.

Sins neglidjî ses prôpès afwaires, Bailleux ovra d' pîs et d' mwins ostant pol Societé k' po nosse vî lingaedje lu-minme. Tet rcwerant les regues ki li shonnént les meyeus po scrire li walon d' adroet, i trova co l' tins d' ataker on diccionaire walon, di mete e nosse lingaedje ine boune pårt des belès fåves da La Fontaine et di scrire kékès tchansons.

Ons etind co tchanter "Vinez, Mareye", k' est come on nozé bouket d' fleurs, et vos n' dirîz måy ki c'est l' minme pene k' a scrît "Li maladeye da Madame Beldjike, wice ki Bailleux prind plaijhi a disbiyî ses innmis politikes et a lzî dire leu conte avou les pus coixhantès lawes do walon, k' end a portant des metchantes. [1]

Alére[candjî]

Hårdêye difoûtrinne[candjî]

Sourdants[candjî]

  1. Nicolas Lequarré, Spitch do 50inme aniviersaire, Bultin del Societé d' Langue T. 48 p. 10