Gabrielle Bernard

Èn årtike di Wikipedia.
Potchî a: naiviaedje, cweri

Gabrielle Bernard, a vnou-st å monde e 1893 a Moustî-so-Sambe, wice k' ele mora eto e 1963; ci fourit ene powetresse e walon ey e francès.

Elle est rprinjhe dins l' antolodjeye da Piron et dins l' antolodjeye des powetes namurwès.

Vicåreye[candjî]

Ele pierda s' monkeur tins del prumire guere daegnrece eyet «fjha di s' solitude li trame d' ene divintrinne vicåreye ki s' ritchesse dins pluzieurès ramexhnêyes d' arimeas francès»[1] (inte di zels «En attendant la caravelle», 1936).

Ele fourit inflouwincêye pa F.-José Maugis ki «lyi fjha vey voltî l' monde mitan campagne mitan industriyel la k' ele î vikéve»[2], et compôzer cwate ramexhnêyes e walon ki cåznut do payis d' houyires dins l' payis d' Sambe.

Jean Guillaume tot come Jean Louvet (di Moustî lu avou) ont dit bén do bén di l' ouve da Gabrielle.

Si scrijhaedje[candjî]

Ene revinteuse[candjî]

Feye d' onk k' a stî å bougnou del fosse, ele si revinte conte les poennes des ptitès djins, come ene vraiye schoirceye evike (E. Gilliard). Ele rishonne la a Franz Dewandelaer, k' elle a cnoxhou, et lyi scrire.

Li motlî est foirt ritche.

Corwaitaedje d' on boket "L' ebolmint"[candjî]

Dins “L' ebolmint” (L’èboul'mint), ele louke, onk après l' ôte deus mondes ki n' si rescontrèt nén : les campagnes eyet les bouteus dins les houyires.

Ele discrît on ralaedje-plin dins ene houyire. Tot voeyant ene taeye må stançnêye, li porion dene l' abranle, mins trop tård:

li vôsseure a schuré sol moncea ki s' comele;
tote li voenne si recraze et stofer les hoûlmints

Al surface, å minme moumint, c' est l' påjhûlisté, li coehisté. Gn a on tchertî ki cmande a si tchvå, des efants ki disflortèt des magriyetes.

et l' grand solea d' djulete fwait meuri les frumints...

Ouves[candjî]

  • “C' esteut ayir” (C'èsteuve ayîr) (1931, ene ouve primêye pa l' SLLW)
  • “En attendant la caravelle” (e francès) (1936)
  • Do vete, do noer” (Do vèt', do nwâr) (1941)
  • “Boles di savon” (1942)
  • “Flora dal Houlote” (Flora d'à l'Oulotte) (1949), drame e 4 akes, sicrît en arimeas.

Pî-notes[candjî]

  1. Maurice Piron
  2. Maurice Piron

Difoûtrinnès hårdêyes[candjî]