Gaston Lucy
Gaston Lucy (1898-1986), sipoté Li Singlé, c' esteut on foclorisse et scrijheu e walon.
A pårt kékès anêyes å Congo, wice k' il apurda l' kiswahili, il a passé si veye a Bive, on viyaedje d' Årdene, etur l' Aiwe-di-Lesse et Smwès. I fourit dins l' rezistance tins del guere 1940-1945.
Foclorisse et scrijheu walon dins les gazetes di Sint-Houbert, Gaston a scrît bråmint des contes so les fêyes, les Pépés u les Nûtons, les biesses et les oujheas, li Diale, les spots, l' istwere do viyaedje, les perlinaedjes, les dicåces, les fôres, evnd.
Ses contes sont plaijhants. Il aveut ene manire di s' fote on pô des djins, tot lzî fjhant l' morale a dmey-mot.
Il a ossu leyî on motî di 5-6.000 mots k' on-z eployive dinltins a Bive : li motî d' Bive.
Sipepieuse vicåreye [candjî]
Tot djonne, i s' egadje el France po li ristopaedje des trintchêyes del guere di 14.
Did la, i boute on moumint ås tchins d' fier e l' Aldjereye. [1]
Si passaedje å Congo bedje date di 1927-1930, ca i resteut el Beldjike po les fiesses do cintnaire. [2]
C' est la k' i cmince a scrire (e francès) totès sôres di rilevêyes sol biyolodjeye et mes fåves do vî vî tins des Congolès. Deus dominnes k' i va diswalper e walon, pus tård. Sacwants d' ses scrijhaedjes e francès so des sudjets congolès ont stî rmzetou e walon pa Lucyin Mahin et Louwis Baidjot.
Difoûtrinnès hårdêyes [candjî]
- Pådje avou sacwants tecses da sinne
- Dipus d' racsegnes so s' vicåreye (da Louis Baidjot)
- Ratournaedje d' on calpin scrît e Congo (so les moxhes al låme)
Sourdants [candjî]
- ↑ Tenonaedje da Lucyin Mahin, sovnance d' ene resconte avou l' Gaston a Djimbe diviè 1978.
- ↑ I fjheut l' fåcnî sol tchår do baron d' Bive a Brussele (temonaedje da Louwis Baidjot).
