Georges Brassens
Èn årtike di Wikipedia.
Georges Charles Brassens (vinou-st å monde a Sète li 22 d'octôbe 1921, moirt a Saint-Gély-du-Fesc li 29 d'octôbe 1981) e-st on scriveu d' tchansons eyet tchanteu francès.
[candjî] Ses tchansons e walon
Bråmint di ses tchansons ont stî rprinses e mancîs lingaedjes. Emey zels, "L'Auvergnat" a stî rprins pal Julos Beaucarne et rmetowe e walon. Elle est rmetowe vaici pa dzo e rfondou e sayant d' shure li son del tchanson då Djulosse.
Merci bråmint des côps
Merci bråmint des côps Flamind
D' Inguî pol boket èd bos po rén
Ki tot etir m' a restchåfé
Cwand dj' aveu froed dins mes solés
Vnoz dlé l' estuve k' avoz dit
Ene djate di cafè da co bén
Cwand les cråxhoulet pixhelét
M' avént cloyou l' ouxh sous les iys
Respleu
Bén seur ça n'esteut nén bråmint
Mins dj' esteu binåjhe tot in ddins
Ådjourdu dji pinse co todi
A ç' pitit boket d' paradis
Flamind d' Inguî way cwand vos frez
El cultrumea årvwer daler
Vos diroz fel come ene Mamjhele
Au Père Éternel
Merci bråmint des côps comere
Pol boket d' pwin yet l' pitit vere
Ki tot etir m' a rmis d' astok
Cwand dji floteu divins m' paltot
Cwand les cråxhoulet pixhelét
Les målåjheyes les bén rimplis
Scrands d' s' impansner djuskå goyî
Riyént d' èm vir disbåtchî
Respleu
'Bén seur ça n'esteut nén bråmint
Mins dj' esteu binåjhe tot in ddins
Ådjourdu dji pinse co todi
A ç' pitit boket d' paradis
Comere cwand î vos fårè fé
El cultrumea årvwer daler
Vos diroz fel come ene Mamjhele
Au Père Éternel
Merci bråmint des côps ptit fi
A vos ptit djonne des Barakîs
A vos ki a divnou tot drole
Cwand l' tchampete m' a mis dins 'ne gayole
Cwand les cråxhoulet pixhelét
Dijhént c' est djusse po m' espotchî
Arlicotant leus ragaguetes
Avou des airs di pun d' copete
Respleu
'Bén seur ça n'esteut nén bråmint
Mins dj' esteu binåjhe tot in ddins
Ådjourdu dji pinse co todi
A ç' pitit boket d' paradis
Barakî cwand vos fårè fé
El cultrumea årvwer daler
Vos diroz fel come ene Mamjhele
Au Père Éternel
Tecse d' oridjinne : Georges Brassens, ratournaedje e walon di Julos Beaucarne
