Goidje

Li goidje , c' est l' dirî del boke (d' ådvins) et li dzeu do cô (ådfoû), aprume po les djins.

Gn a la bråmint des organes :

• l' ålwete
• les amigdales
• li larink avou les coides vuzreces
• li gozî (farink)

Padfoû, on-z î trove li gaviote.

Li må d' goidje revoye å pus sovint a l' efouwaedje des amigdales u / et do larink (ki vont sovint eshonne), çou ki dene voltî do rôguia.

Motlî corant pol goidje

Li goidje et les organes k' i gn a dvins sont lomés pa ene cåkêye di mots corants, come: gargasson, garguete, gargolete, gave, gavêye, djaive, evnd.

Bråmint d' ces mots la sont-st eto eployîs pol face des oujheas.