Henri Forir

Èn årtike di Wikipedia.
(Redjiblé di H. Forir)
Potchî a: naiviaedje, cweri
(al fleur di l' ådje)

Wiktionary-logo.svg

Li Wiccionaire si rsieve di sacwants fråzes da "Henri Forir" po-z enimådjî des mots k' i gn a.

Henri Forir (1784-1862) fourit on sicrijheu e walon eyet diccionairî, djeyomete di s' mestî.

Ouve e walon et sol walon[candjî]

I ramexhna des mots walons dispu 1820, mins si mwaisse ouve, li Dictionnaire liégeois-français n' a parexhou k' après s' moirt, e deus gros lives, e 1866 et 1874. Il î rprind des mots et des fråzes di tos les tchamps del vicåreye, et nén fok li "lingaedje des ptitès djins".

Come sicrijheu, i fourit rlomé long et lådje avou ene paskeye sol mariaedje, a môde di dvinltins, “Li ctapé manaedje” k' a moussî foû e 1836.

I scrijha eto del prôze nén racontrece, “So les bassès scoles do vî tins”, eplaideye dins onk des prumîs bultins del Société Liégeoise de Littérature Wallonne.

Prezidint del minme S.L.L.W. e 1856, i leya ouve, pask' on n' esteut nén d' acoird avou si sistinme d' ôrtografeye, lon erî del cene do francès.

Difoûtrinne hårdêye[candjî]