Halcrosse E

Li halcrosse E, c' est on scrijha E ki n' si prononce nén.

Gn a des halcrosses E dvintrins et des cis å coron.

Halcrosses E divintrins

End a bråmint e francès, ey eto dins sacwantès modêyes do sistinme Feller.

• Francès : lentement, je réparerai
• Sicrjha Feller : ele dimeurenut, alignemint, Parfondevîye (egzimpes poujhîs e Motî da Léonard)

I gn a pont d' halcrosse E dvintrins e rfondou walon. Dins ciste ortografeye la do walon, tos les dvintrins E si prononçnut "è".

Halcrosse E å coron

End a toplin e francès, dins l' sistinme Feller, ey eto e rfondou walon.

• Francès : habitude; coûture; écrevisse
• Walon e scrijha Feller : åbitude, costeûre, grèvèsse
• Rifondou walon : åbitude, costeure, grevesse

Å pluriyal, ces mots la prindèt on S sins k' çoula candje leu prononçaedje.

• Francès : des habitudes; les coûtures; aux écrevisses
• Walon e scrijha Feller : dès åbitudes, lès costeûres, aus grèvèsses
• Rifondou walon : des åbitudes, les costeures, ås grevesses

Bråmint des mots scrîts avou on coron-stitche e sistinme Feller, sont rashious avou on halcrosse E e rfondou walon :

• Walon e scrijha Feller : tchinis´, pous´, fiyât´
• Rifondou walon : tchinisse, pousse, fiyåte